Osydan eki jyl burynǵy álem birinshiliginde tórtinshi orynǵa ıe bolǵan Qazaqstan quramasy elıtaly kezeńde Nıderland, Rýmynııa jáne Ázerbaıjan fýtzalshylarymen bir topta oınaıdy. Bizdiń komanda úshin elıtalyq raýnd qyrkúıek aıynda syrt alańdaǵy Nıderland quramasymen ótetin matchpen bastalady. Irikteý kezeńiniń sońǵy oıyny da syrt alańda jeltoqsan aıynda Rýmynııada ótedi.
Sonymen qatar jerlesterimiz 20 qyrkúıekte óz elimizde Rýmynııany qabyldasa, 6 qazanda Ázerbaıjanǵa qonaqqa barady. Al 11 qazanda elordada Ázerbaıjan, 14 jeltoqsanda Nıderland fýtzalshylarymen sheberlik baıqasady. Top jeńimpazy Álem chempıonatynyń fınaldyq kezeńine tikeleı joldama alady. Ekinshi oryn alǵan komandalar 2024 jyldyń sáýirinde ótetin ótpeli oıyndarǵa qatysady.
