Bul týraly QR Energetıka mınıstrliginiń baspasóz qyzmeti málimdedi.
«Keshe, 2023 jylǵy 13 shildede saǵat 21:12-de qolaısyz aýa raıy jaǵdaıynda Aqadyr – Jezqazǵan 500 kV elektr berý jelisi ajyratyldy. Elektr jelisiniń parametrleriniń ózgerýi Jezqazǵan JEO-nyń №7 jáne 11 qazandyqtarynyń shań qorektendirgish qozǵaltqyshtaryndaǵy jıilik túrlendirgishteriniń ajyratylýynan olardyń sónýine ákeldi. Býdyń bolmaýyna baılanysty №4, 7 týrbınalar toqtatyldy, bul generasııanyń tolyq tómendeýine ákeldi», dep habarlady QR Energetıka mınıstrliginiń baspasóz qyzmeti.
Stansııanyń jumys rejımin qalpyna keltirý bir saǵattan keıin, saǵat 22:20-da bastaldy.
«Tehnologııalyq buzýshylyq faktisi boıynsha jan-jaqty tergeý júrgizý maqsatynda Atomdyq jáne energetıkalyq qadaǵalaý men baqylaý komıtetiniń komıssııasy quryldy», delingen habarlamada.
Vedomstvo Jezqazǵan JEO birinshi ret tolyq toqtatylmaǵanyn atap ótti. 19 maýsym saǵat 12:45-te óziniń elektr qajettilikterin joǵaltý saldarynan stansııa generasııasy 129-dan 0 MVt-qa deıin tómendegen.
«Joǵaryda aıtylǵandardyń negizinde «Qazaqmys Enerdjı» JShS-nyń basshylyǵyna Jezqazǵan JEO-nyń senimdi jumysyn qamtamasyz etý jóninde pármendi sharalar qabyldaý tapsyryldy», dep habarlady mınıstrlik.
«Qazaqmys Enerdjı» JShS-nyń qaýipsiz jumys máselesi boıynsha arnaıy keńes 2023 jylǵy 17 shilde dúısenbi kúni mınıstrlikte ótkiziledi.
