17 shilde kúni Ulanbel – Sozaq – Sholaqqorǵan – Ekpindi tas jolynyń Shybyt – Shaıan eldi mekeniniń aralyǵynda 3 kólik soqtyǵysqan iri jol apaty bolyp, saldarynan 10 adam mezgilsiz qaza taýyp, 12 adam jaraqat alǵany málim. О́mirden ótkender sany kóp bolýy múmkin be edi, oqıǵa kezinde eger ózgelerdiń janyn arashalaı bilgen qaısar jandar bolmaǵanda. Olaı deıtinimiz, sol kúni apatqa ushyraǵan kólikterde bolǵan Murat Esenqabylov pen Baqytjan Kóksýbaı qasyndaǵy júrgizýshiler men jolaýshylardy qutqarýda batyrlyq tanytqan.
Olardyń adam ómirin arashalaýdaǵy batyldyǵy men janqııarlyǵyn qoǵam joǵary baǵalady.
Túrkistan oblysy PD bastyǵynyń mindetin atqarýshy Baǵlanbek Aıtpaev óz bastaryn qaterge tige otyryp, ózgege járdem bergen eki turǵyndy arnaıy qabyldap, marapattaý sharasyn ótkizdi. Basqalarǵa úlgi bolarlyq batyldyq tanytqan úlken júrekti azamattarǵa barsha polıseıler atynan rızashylyq bildirip, Alǵys hat pen baǵaly syılyqtaryn tabystady.
Iri jol-kólik oqıǵasyn óz kózderimen kórip, kýáger bolǵan azamattar oqıǵanyń mán-jaıyna toqtaldy. Sol sátte tek zardap shekken azamattarǵa kómektesýdi oılaǵandaryn jetkizdi. Elimizde mundaı jol apaty bolmaýyn tilep, júrgizýshilerden jol erejesin saqtaýdy ótindi.
