Dánikennen qunyqqan jaman

Uıymdasqan qylmystyq top­ty óńirdegi iri et óńdeý kásip­­ornynyń dırektory bas­qar­ǵan. Onyń quramynda et kom­bı­na­ty­nyń qyzmetkerleri, sharýa qo­ja­lyqtarynyń basshylary, mal­ dárigerleri men sheneýnikter bar. Jeń ushynan jalǵasqan ala­ıaq­­­­tardyń astyrtyn áreketin áshke­­­relegen Qarjy monıtorıng agent­ti­giniń málimetinshe, sharýa qoja­­­lyq­tary et óńdeý zaýytyna óz­de­­­rinde joq maldyń salmaǵyn asy­­ra kórsetip ótkizý arqyly sýb­­sı­dııa alyp kelgen. Odan tús­ken­­ qyrýar qarjyny qyl­mys­tyq­ top­­ músheleri ózara bólisip alyp­ otyr­­ǵan.

«Búginge deıin atalǵan uıym­­­­dasqan qylmystyq top múshe­­lerimen sybaılasqan 50-den astam sharýa qojalyǵy anyq­tal­dy. Osy­ǵan­ oraı, alaıaqtyq, uıym­das­­qan top qurý jáne ony basqarý deregi bo­ıynsha óndiriske 17 qyl­mystyq is tirkeldi. Top múshe­leriniń bank uıashyqtary men esepshottarynda­ jalpy kóle­mi 3 mln AQSh dollarynan asa­ sheteldik jáne ulttyq valıýta túrindegi aqsha bar ekeni anyq­tal­­dy. Sotqa deıingi tergeý júrip ja­tyr. Budan ózge málimetter QPK-niń 201-babyna sáıkes ja­rııa­ etilmeıdi», deıdi QMA res­mı ókili Álibek Ábdilov.

Qylmysqa qatysy bar sharýa­ qoja­lyqtarynyń basshylary aldyn ala tergeý sharalary bary­syn­da kinálaryn moıyndap, mem­leketke óz erikterimen 62 mln­ teńgeden astam qarjyny qaı­taryp bergen. Uıymdasqan qyl­mys­tyq toptyń 5 belsendi múshesi qamaýda otyr.