Bul jaǵdaı 5 tamyz kúni Báıterek aýdany Jaıyq-2 eldi mekeni mańynda boldy.
«Karer» jasandy sý qoımasynda «Miami park» demalys aımaǵynda («Alı» jeke kásipkerliginiń jeke jaǵajaıy bıylǵy 6 shildede ashylǵan) saǵat 17.40-ta 16 jasar jasóspirim sýǵa batty. Onyń denesin jedel qutqarý jasaǵynyń qyzmetkerleri saǵat 19.00-de sýdan shyǵardy.
Sonymen qatar keshe saǵat 19.11-de Oral qalasynda «Batys Qazaqstan mashına jasaý kompanııasy» AQ aýdanynda qutqarýshylar 44 jastaǵy er adamnyń denesin shyǵardy. Ol dosymen birge sýda júzip júrgende batyp ketken. Sosyn ony dosy Jaıyq ózeniniń arǵy betine shyǵaryp qoıǵan. Qutqarýshylar máıitti bergi betke shyǵaryp, polısııa qyzmetkerlerine tapsyrdy.
«Taǵy bir oqıǵa Aqjaıyq aýdany Jambyl aýyldyq okrýgi «Dóńgelek» sý qoımasynda boldy. 31 jastaǵy er adam 4 tamyz kúni saǵat 22.00-de qaıyqpen sýda júzip, belgisiz jaǵdaıda joǵalyp ketken. Qaıyq sýdan tabylǵan. 5 tamyz kúngi saǵat 10.42-de izdestirý jumystary bastalyp, onyń denesi búgin 07.50-de tabyldy. BQO TJ departamenti turǵyndarǵa sýdaǵy qaýipsizdik erejelerin qatań saqtaý kerektigin eske salady», dep habarlaıdy vedomstvo ókilderi.
