Prezıdent dıagnostıkalyq-emhanalyq keshenin, stasıonar bólimin, sondaı-aq lazer ortalyǵy men operasııalyq blokty aralap kórdi.
Mekeme basshylyǵynyń aıtýynsha, klınıka aı saıyn kóz aýrýyna shaldyqqan 1000-ǵa jýyq naýqasty qabyldap, 200-ge tarta ota jasaıdy. Pasıentter aqyly túrde de, mindetti áleýmettik medısınalyq saqtandyrý aıasynda da dıagnostıkadan óte alady.
Klınıka qyzmetkerlerimen áńgimelesý barysynda Prezıdent óńirlerde osyndaı joǵary tehnologııalyq arnaýly medısına mekemeleriniń ashylýy óte mańyzdy ekenin atap ótti. Memleket basshysy ortalyq ujymynyń jaýapty qyzmetine tabys tiledi.
