Baıqaý • 21 Tamyz, 2023

Aına Qalmaǵanbetova «Meıkın Azııa» III Halyqaralyq festıvalinde jeńimpaz atandy

380 ret

kórsetildi

1 mın

oqý úshin

Qyrǵyzstandaǵy Cholpon-Ata qalasynda ótken «Meıkın Azııa» tanymal mýzyka oryndaýshylardyń III Halyqaralyq Ystyqkól festıvalinde K.Ázirbaev atyndaǵy Jambyl oblystyq fılarmonııasynyń ánshisi Aına Qalmaǵanbetova bas júldeni jeńip alyp, 5000 dollardyń sertıfıkatyn ıelendi, dep jazady Egemen.kz.

Shyńǵys MUQAEV

Aına Qalmaǵanbetova «Meıkın Azııa» III Halyqaralyq festıvalinde jeńimpaz atandy

Foto: Jambyl oblysy ákimdiginiń baspasóz qyzmeti

Jambyl oblysy ákimdigi baspasóz qyzmetiniń aqparatynsha Qalmaǵanbetova Aına Serikqyzy buǵan deıin de óner jobalary men halyqaralyq konkýrstardyń laýreaty atanǵan. Sonymen qatar Qazaqstan Respýblıkasy Prezıdentiniń «Qurmet» memlekettik nagradasymen marapattalǵan.

Mádenıet jáne sport mınıstrliginiń yqpalymen, Jambyl oblysy ákimdiginiń qoldaýymen elimizdiń atynan qatysqan Aına Serikqyzy atalǵan festıval barysynda Tólegen Muhamedjanovtyń «Qus joly» ánin, ekinshi kúni Erık Karmenniń «All By myself» álemdik hıt ánin joǵary deńgeıde oryndap, zor qoshemetke bólendi.

Úsh kúnge sozylǵan mýzykalyq daryndylar baıqaýyna Qazaqstan, Qyrǵyzstan, О́zbekstan, Ázerbaıjan, Vengrııa, Túrkııa, Soltústik Kıpr taǵy basqa elderden 18 ben 35 jas aralyǵyndaǵy 17 jas oryndaýshy baq synady.

Aıta keteıik, 2013 jyly ótken «Makin Asia» birinshi mýzykalyq festıvalinde elimizdiń namysyn qorǵaǵan Dımash Qudaıbergen bas júldeni jeńip alǵan edi.