Foto: Astana ákimdiginiń baspasóz qyzmeti
Esil aýdanynda ǵaryshtyq monıtorıng nátıjeleri boıynsha 2023 jyly stıhııalyq qoqys tastalǵan 72 oryn tabyldy. Qazirgi ýaqytta olardyń 20-sy pysyqtaldy, qalǵandary boıynsha jumystar aıaqtalý satysynda.
Qurylys kompanııalary 6 myń tonnadan astam qoqys shyǵardy.
Bıyl ekologııalyq aılyqty jáne kommýnaldyq senbilikterdi eskere otyryp, barlyǵy 24 500 tonnadan astam qoqys shyǵaryldy.
Nura aýdany boıynsha jalpy kólemi 30 myń tonnadan asatyn qoqysy bar ruqsat etilmegen 45 oryn anyqtaldy. Onyń 13-i joıyldy. 10 myń tonnaǵa jýyq qaldyq shyǵaryldy.
Ruqsat etilmegen polıgondardy áketýge 4 qurylys kompanııasy jumyldyrylǵan.
Jyl basynan beri Almaty aýdanynan 9 350 tonnadan astam (1226 reıs) qoqys shyǵaryldy. «Qazaqstan Ǵarysh Sapary» ǵaryshtyq sýretterine sáıkes ruqsat etilmegen qoqys tastaıtyn 39 oryn anyqtaldy. Onyń 38-i pysyqtaldy.
Saryarqa aýdanynda tabylǵan 24 orynnyń 20-synda zańsyz qoqys orny joıylyp, 15 myń tonna qoqys shyǵaryldy.
Qurylys qoqystaryn zańsyz shyǵarý faktilerin boldyrmaý úshin ekologııalyq polısııa jumyldyrylady. Osy jyldyń basynan bastap abattandyrý jáne sanıtarııa normalaryn buzý týraly 605 hattama jasaldy, 5,5 mln teńge somasyna aıyppul salyndy.
«Qazaqstan Ǵarysh Sapary» ǵaryshtyq sýretteri boıynsha Baıqońyr aýdanynda 22 oryn anyqtaldy, onyń segizi rastaldy. Olardyń barlyǵy joıyldy.
Zańsyz polıgondardy joıý jumysy jalǵasyp jatyr. Olardyń arasynda jańa oshaqtardyń paıda bolýyna jol bermeý boıynsha sharalar qabyldanýda.
