Foto: Parlam.kz
Kezdesýde depýtat Parlament qabyrǵasynda qabyldanyp jatqan zań jobalarynyń mán-mańyzyna toqtalyp, jastardy el ıgiligi jolynda adal qyzmet etýge shaqyrdy.
«Jastar jastyq shaqta bilim alyp, til úırenip, jan-jaqty jumys istep úırense, jalqaýlyqqa jol bermeıdi. Mamandyq tańdaýda jańylmaý kerek. Qıyndyqtardy sabyrmen jáne tabandylyqpen jeńýge tyrysqan jón», dedi Q.Balabıev.
Depýtattyń aıtýynsha, búginde jastardyń zor jetistikterge jetýi úshin múmkindik mol. Ásirese, memleket tarapynan jastardy qoldaýǵa baǵyttalǵan baǵdarlamalar men jobalar jeterlik. Qaırat Balabıev solardyń bir sypyrasyn túsindirip berdi.
«О́ńirlerde bilimdi, bilikti, ójet jastarymyz kóp. Olar oblystarda, aýdandarda qalyp qoıyp jatady. Biz sondaı jastardy tartyp, memleket deńgeıinde qyzmet atqarýǵa jol ashýymyz kerek. Buǵan «AMANAT» partııasy da atsalysyp keledi. Jastardy qoldaý – bizdiń basym baǵytymyz», dedi Májilis depýtaty.
