Inklıýzıvti bilim berýdi damytýdyń Ulttyq ǵylymı-praktıkalyq ortalyǵynyń derekteri boıynsha elimizde 400-den astam arnaıy bilim berý uıymy jumys isteıdi. Osy oraıda erekshe bilim berýdi qajet etetin balalardyń arnaıy jáne ınklıýzıvti bilim alýyn, pedagog kadrlarmen qamtamasyz etý, bilim berý sapasyn arttyrý baǵytyndaǵy is-sharalar óńirler boıynsha iske asyp keledi.
Almaty qalalyq bilim basqarmasynyń basshysy Lázzat Jylqybaevanyń aıtýynsha, ońtústik astanada ınklıýzıvti bilim berýdi júzege asyratyn mektepter sany jyl saıyn artyp keledi. Qazirgi ýaqytta qalada 182 mektepte erekshe bilim berý qajettiligi bar balalarǵa jaǵdaı jasalǵan. Bıylǵy oqý jylynan bastap taǵy da 16 mektep tizimdi tolyqtyrady. 2020-2021 oqý jylynda ınklıýzıvti bilim berýmen 3 672 bala qamtylsa, 2022-2023 oqý jylynda bul kórsetkish 4 632-ni qamtyp otyr.
– Qazirgi kezde erekshe bilim berý qajettilikteri bar balalardy qoldaý kabınetteri jumys istese, sonyń 8-i – aýdandardyń tirek mektebi. Bul baǵytta bilim berý úshin muǵalimderge ádistemelik kómek qarastyrylǵan. Sonymen qatar bilim berýdegi jańa tehnologııalardyń qalalyq ǵylymı-ádistemelik ortalyǵynyń bazasynda ınklıýzıvti resýrstyq ortalyq ashylyp, mektepter úshin 600 pedagogtiń biliktiligin arttyrý josparlanyp otyr. Qazirgi ýaqytta múmkindigi shekteýli balalarǵa arnaıy psıhologııalyq-pedagogıkalyq qoldaý kórsetetin jeke uıymdarda memlekettik bilim berý tapsyrysyn ornalastyrýǵa konkýrs jarııalandy, – dedi L.Jylqybaeva.
Onyń aıtýynsha, jazdyń basynda Naýryzbaı aýdanynda jobalyq qýaty aptasyna 5 myń balany qamtıtyn ınnovasııalyq shyǵarmashylyq ortalyq ashylǵan. Bıylǵy oqý jyly bastalǵanǵa deıin osyndaı ortalyqty Alataý aýdanynda ashý josparlanǵan. Mundaı ortalyqtardyń múmkindigin paıdalanyp, qosymsha bilim salasyna eń úzdik mamandardy tartyp otyryp, kreatıvti ıdeıalar alańyna aınaldyrý kózdelip otyr.
Sonymen qatar ótken ǵasyrdyń 30-jyldary Túrksib jáne Bostandyq aýdandarynda salynǵan eki oqýshylar úıiniń ornyna kúnine 800 balany qabyldaý múmkindigi bar zamanaýı damý jáne shyǵarmashylyq ortalyqtaryn salý josparlanyp otyr. Búgingi tańda joba daıyn, al qurylys-montaj jumystary keler jyly bastalady. 2025 jylǵa deıin qajettilik bar aýdandarda halyqaralyq standarttarǵa sáıkes keletin qosymsha bilim beretin taǵy da 3 zamanaýı ortalyq salynbaqshy.
ALMATY
