Konstıtýsııaǵa arnaldy

«Biz, búgin myzǵymas bir­lik pen zań ústemdiginiń ar­qa­synda elimizdi damytyp, qa­­sıet­ti qalamyzdy túlete bil­dik. Byltyr elimizdiń Ata Za­ńyna ózgerister engizý jó­nin­de jalpyhalyqtyq referendým ótti. Asa mańyzdy sheshim qabyldanyp, 30-dan astam zań baptaryna ózgertý men to­lyq­ty­rý engizildi. Nátı­je­sinde, halyqtyń tikeleı qaty­sýy­men mańyzdy saılaýlar ótti. Jańa basqarý júıesine sáıkes Par­la­menttiń yqpaly arta tústi. Konstıtýsııaǵa jer men jer astyndaǵy baılyq halyqqa tıe­sili ekeni anyq jazyldy. Osy arqyly Jańa Qazaqstanǵa tyń betburys bastaldy. О́zde­rińiz­ge málim, osydan 5 jyl buryn oblysymyz qurylyp, Túr­kistan qalasy oblys orta­ly­ǵy retinde qalyptasty. Aı­tar­­­lyqtaı jetistikke jetti. Túrki jurtynyń rýhanı asta­nasy Túrkistanymyzda kún sanap túrli nysan boı kóte­rip, respýblıkalyq jáne halyq­ara­lyq deńgeıde is-sharalar ótetin ortalyqqa aınaldy», dedi oblys ákimi Darhan Satybaldy.

Sondaı-aq óńir basshysy bıyl Túrkistan qalasynda Túr­ki elderiniń týrızm mı­nıstr­­leriniń basqosýy jospar­lan­ǵanyn atap ótti. Qazirgi tań­da shet elderden jáne elimizdiń aımaqtarynan keletin týrısterdiń sany óskenine nazar aýdardy.

«Memleket basshysy Qasym-Jomart Toqaevtyń tikeleı qoldaýymen óńirde aýqymdy jobalar qolǵa alyndy. Osy mańyzdy isterdi atqarýǵa úles qosyp júrgen barshańyzǵa alǵysymdy bildiremin. Bunyń bári – eldiń birligi men eren eńbeginiń, turaqtylyqqa tuǵyr bolǵan Ata Zańymyzdyń arqa­syn­da qol jetkizgen tabystar. Táýelsizdigimiz tuǵyrly, Kons­tı­týsııamyz ǵumyrly, eldigimiz máńgi bolsyn! Ata Zańdy ardaq tutqan ónegeli elimiz órkendeı bersin», dedi D.Satybaldy.

Oblys ákimi bıyl 7 aıda óńirge 500 myńǵa jýyq týrıst pen zııarat etýshi kelgenin atap ótti. Týrıstik áleýetti odan ári damytý maqsatynda qaladaǵy halyqaralyq áýejaıdyń reıs­ter sanyn ulǵaıtý boıynsha jumys turaqty túrde júrgizilip keledi. Túrkistan qalasyndaǵy halyqaralyq áýejaıdan byltyr Ystanbul jáne Kýveıt ba­ǵy­tyna tikeleı reıster ashyl­dy. Qazan aıynda Birikken Arab Ámirliginiń astanasy Abý-Dabı qalasyna tikeleı reıstiń ashylýy josparlanyp otyr. «Sonymen qatar Máskeý, Antalıa, Tbılısı, Samarqand qalalaryna reıster ashýǵa Úkimetke usynys engizdik. Ishki baǵytta Astana men Almatyǵa reısterdiń sany kóbeıtildi. Budan bólek, Prezıdent tapsyrmasymen «Jeti jarǵy» zańdar jınaǵy ázirlengen Túrkistanǵa qazirgi tańda erekshe mártebe berý týraly zań jobasy talqylanyp jatyr», dedi oblys ákimi.

Saltanatty is-sharada oblys basshysy bilim, densaýlyq, tótenshe jaǵdaı, órt sóndirý, quqyq qorǵaý salasynda eńbek sińirgen, oblystyń áleýmettik-ekonomıkalyq damýyna eleýli úles qosqan mamandardy marapattap, oblys ákiminiń gramotasy men alǵyshatyn tapsyrdy. Sonymen qatar óńir basshysy Túrkistan oblysynyń 5 jyldyǵy aıasynda oblys ákimdiginiń qoldaýymen sáýir-tamyz aılary aralyǵynda aýdan, qalalyq óner sheberleriniń qatysýymen ótken oblystyq «О́nerli ólke» festıvaliniń jeńimpazdaryn marapattady.

Saltanatty is-sharada mem­le­kettik qyzmetke jańadan qa­­byldanǵan mamandar ant berdi. Merekelik jıynǵa oblys ákiminiń orynbasarlary, máslıhat depýtattary, ob­lys­tyq basqarma basshylary, qu­qyq qorǵaý organdarynyń basshylary, ardagerler alqasy men zııaly qaýym ókilderi, ÚEU músheleri, stýdent jastar, BAQ ókilderinen quralǵan 1000-ǵa jýyq azamat qatysty. Bul kúni oblystyń óner ujymdary men ánshileri konserttik baǵdarlama usynyp, patrıottyq ánderdi shyrqady. «Qazaqstan daýysy balalar» jobasynyń fınalısi Baızaq Eńlikten bólek qazaq estradasynyń maıtalmandary «Mýzart» toby óner kórsetip, kórermenge merekelik kóńil-kúı syılady.