Foto: Túrkistan oblysy ákiminiń baspasóz qyzmeti
Kentaý qalasynyń ákimi Jandos Tasov 98 jastaǵy maıdangerdi arnaıy baryp quttyqtap, jyly lebizin bildirdi.
«Elimizge beıbitshilik pen tynyshtyq syılaǵan ardagerdiń erlikteri eshqashan umytylmaıdy. Ardagerge qurmet kórsetý, óskeleń urpaqqa mindet. Barshańyzdy Táýelsizdigimizdiń tuǵyry bolǵan Qazaqstan Respýblıkasynyń Konstıtýsııa kúnimen shyn júrekten quttyqtaımyn», dedi qala basshysy.
О́z kezeginde qart maıdanger, jas urpaqtyń beıbit ómirde baqytty ǵumyr keshýin tilep, qazaq eliniń táýelsizdigi máńgi jasaı bersin dep aq bataly tilegin arnady.
1924 jyly dúnıege kelgen Badan Tórebaev 1944 jyly 15 qazanda shaqyrtýmen áskerge attanyp, 4 aı áskerı daıyndyqtan ótken soń, Belorýssııadan bastap Berlınge deıingi qan maıdandarda shaıqasqan.
Maıdanger aýyr shaıqasta kózge túsip, «Erligi úshin» medalimen marapattalǵan. Sondaı-aq I-shi dárejeli «Uly Otan Soǵysy» ordenimen, 2 ret «Erligi úshin», «Berlındi alǵany úshin», «Germanııany jeńgeni úshin» medaldarymen nagradtalǵan.
Elge 1950 jyly qarashada oralyp, Kentaý qalasyndaǵy «Myrǵalymsaı» kenishinde uzaq jyldar boıy qyzmet atqaryp, sol qyzmeti zeınetke jetkizdi. Ol 2 ul, 3 qyzynan 16 nemere, 35 shóbere, 1 shópshek súıgen baqytty ardager.
