Qazirgi kezde taǵam qaýipsizdigin kúsheıtý ári balalarǵa qunarly tamaq berýdi maqsat etken Almaty ákimdigi Qazaq taǵamtaný akademııasy jáne Ulttyq salaýatty tamaqtaný ortalyǵymen birlesip «Oqýshylardyń densaýlyǵyn basqarý» mektep taǵamdarynyń jańa modeliniń qanatqaqty jobasyn ázirlep jatyr.
Sondaı-aq qala basshylyǵy balalardyń qaýipsizdigin de nazarda ustap otyr. Osy oraıda 206 memlekettik mektepte, 8 ınternatta jáne 193 memlekettik balabaqshada osy jyldyń sońyna deıin qaýipsizdik júıesin iske qospaqshy. Bul baǵyttaǵy jumystar jalpy quny 7,6 mlrd teńgeni quraıtyn úsh jyldyq servıstik model aıasynda qarjylandyrylady.
Balalar qaýipsizdigin qamtamasyz etýde mektep kólikteriniń jumysyn úılestirý de asa mańyzdy. Bıylǵy oqý jylynda «Mektep avtobýsy» jobasyn iske asyrý úshin 100 avtobýs satyp alynyp, oǵan jergilikti bıýdjetten 5,2 mlrd teńge qarastyrylǵan. Balalardy tasymaldaý qyzmetine 1,4 mlrd teńge bólinip otyr. Joba aıasynda 7,7 myńnan astam balany qamtý josparlanǵan. Kelesi jyly taǵy da 11 mektep 50 avtobýspen qamtamasyz etiletin bolady.
ALMATY
