Men muny dál ýaqytynda kóterilip otyrǵan ózekti bastama dep aıtar edim. О́ıtkeni bıyl jazǵy demalysymyzda elimizdiń birqatar óńirin, sonyń ishinde sý tapshylyǵynan zardap shegip otyrǵan oblystardy araladyq. Atap aıtqanda, Jambyl oblysynda aýyl sharýashylyǵy jaıylymdaryna baryp, fermerlermen tikeleı kezdesip sóılestik. Máseleni óz kózimizben kórdik. Bul shyn máninde kezek kúttirmes sharýa. Ony dereý sheshpese, erteń qıyn bolatyny kórinip otyr. Sondyqtan Prezıdenttiń arnaıy mınıstrlik qurý, sý qoryn saqtaıtyn tehnologııalardy engizý, sý toǵandaryn jasaý týraly bastamalary quptarlyq is.
Bul jerde kadr máselesin de esten shyǵarmaǵan durys. Sý máselesi – tek ekonomıkalyq emes, saıası másele. Shúkir, Qazaqstanda sý máselesin memlekettik deńgeıde meńgergen, Ortalyq Azııanyń gıdrologııa, ırrıgasııa kóshbasshylaryn jetik biletin memlekettik tulǵalar bar. Olar zeınet jasyna shyqsa da, tájirıbesimen salany tyǵyryqtan shyǵara alady.
Sý resýrstary jáne ırrıgasııa mınıstrligi qurylǵannan keıin ol jerde jumys isteıtin adamdar laýazymdyq mindetterimen qatar sózi ótimdi jáne bedeldi bolýy kerek. Biz sý máselesinde kórshilerge belgili bir deńgeıde táýeldi elmiz. Sondyqtan jańa memlekettik organnyń basshylary óz ishimizdegi resýrstardy tıimdi paıdalanýmen qatar, kórshi memlekettermen de ońtaıly dıalog quryp, dıplomatııalyq joldarmen shıelenisti jaǵdaılarǵa jol bermeýge tıis. Bizde ondaı qabiletti azamattar bar. Bul úlken jumys jáne onyń nátıjesi aýyl sharýashylyǵyn damytý úshin mańyzy zor.
Azat PERÝAShEV,
Májilis depýtaty
