Prezıdent vedomstvonyń jańadan taǵaıyndalǵan basshysy ishki ister organdarynda 30 jyl eńbek etkenin, aýdandyq jedel ýákil qyzmetinen mınıstrdiń orynbasary laýazymyna deıingi satydan ótkenin atap ótti.
Qasym-Jomart Toqaev burynǵy mınıstr Marat Ahmetjanovtyń basshylyq etken kezinde ishki ister organdarynyń qyzmetin uıymdastyrýdaǵy oń ózgeristerge erekshe nazar aýdaryp, sıfrlyq tehnologııalardy engizý, jol qozǵalysy erejelerin buzý faktilerin jedel tirkeý, sondaı-aq polısııa jumysynyń ashyqtyǵyn qamtamasyz etý syndy bastamalaryna toqtaldy.
Keńes barysynda Memleket basshysy Qasym-Jomart Toqaev keshegi Qazaqstan halqyna Joldaýynda azamattarymyzdyń ál-aýqatyn jaqsartý jáne túbegeıli áleýmettik-ekonomıkalyq ózgerister jóninde naqty tapsyrmalar bergenin aıtty. Atalǵan tapsyrmalardyń iske asyrylýy kóbine quqyqtyq tártiptiń deńgeıine baılanysty ekenin jáne osy rette polısııa mańyzdy ról atqaratynyn atap ótti.
