Foto: https://web.telegram.org/
Kúdikti ortalyqty aralap júrip, elordadan týrnır ótkizýge arnaıy kelgen mamandardyń baǵaly noýtbýgi men smartfonyn úptegen.
«Beınekameralardaǵy jazbalardy zerdeleý kezinde, qaskúnem tennıs oınaýǵa kelgendeı keıip tanytyp, sport ortalyǵyna emin-erkin kirgeni jáne ashyq turǵan qyzmettik bólmeden qymbat tehnıkany qoldy etip, oqıǵa ornynan boı tasalaǵany belgili boldy. Kúdikti buryn osyǵan uqsas qylmys jasaǵany úshin sotty bolǵan 27 jastaǵy qala turǵyny bolyp shyqty. Ol buǵan deıin de 7 urlyq faktisine qatysy bary anyqtaldy. Ol ózi urlaǵan smartfondy kezdeısoq satyp alýshylarǵa ótkizý ústinde ustaldy. Bir aı ishinde ózgeniń 4 uıaly telefonyn, noýtbýk pen 2 oıyn prıstavkalaryn ıemdengen. Osylaısha ol buǵan deıin de emdeý ortalyǵynyń, ınternet-klýb jáne stomatologııanyń jumysshylary men shashtarazǵa jalpy somasy 2 mıllıon teńgeden asa shyǵyn keltirgen. Ustalǵan azamat qamalyp, 188-baptyń 3-bóliginiń 2-tarmaǵy boıynsha sotqa deıingi tergeý amaldary bastaldy», delingen Ishki ister mınıstrliginiń baspasóz qyzmeti usynǵan aqparatta.
