Foto: aqtobegazeti.kz
«Keshe keshki saǵat 20.00 shamasynda Keńqııaq, Sarkól, Shubarshı aýyldarynyń turǵyndary gazdyń ıisinen tunshyǵyp shaǵymdanǵan. Shubarshı gaz taratý stansııasynyń jumysy tolyǵymen toqtap, josparly jóndeý júrgizýge baılanysty gazdan ajyratylǵǵan. Gaz jiberý toqtatylyp, burandaly kran aýystyrylǵanda aýaǵa «odorant» gazy jaıylǵan.
«Jergilikti turǵyndardan shaǵym túskennen keıin «Tehnogaz» JShS mamandary Keńqııaq, Sarkól aýyldarynyń turǵyn úılerin aralap shyqty. Nátıjesinde gazdyń taralý derekteri anyqtalǵan joq. Al Keńqııaq aýylynyń aýrýhanasyna 6 turǵyn (Keńqııaq aýylynan – 4 turǵyn, Sarkól aýylynan – 2 turǵyn) gazben ýlaný belgilerimen júgindi. Qazirgi ýaqytta barlyǵyna alǵashqy medısınalyq kómek kórsetildi.
Basqa zardap shekkender joq. Osy derek boıynsha ekologııa, SES jáne Tótenshe jaǵdaılar departamentine der kezinde habar berildi, jaǵdaı turaqty, baqylaýda», delingen habarlamada.
