Ýnıversıtettegi sheberhana

Ýnıversıtet bazasynda ishki qajetti­likterdi óteý maqsatynda búginde álemniń kóptegen ýnıversıtetinde iske asyp kele jatqan stýdentterge qyzmet kórsetetin oryn­­dardyń ashylýy baǵa jaǵynan da, ýa­qyt únemdeý turǵysynan da tıimdi bolmaq.

Ýnıversıtet aýmaǵynda 1978 jyly jabyq sportzal retinde turǵyzylǵan eki qabatty ǵımarat uzaq jyl boıy jekemen­shikke jalǵa berilip, keıinnen qoıma retin­d­e paıdalanylyp kelgen-di. Bilim orda­synyń ınfraqurylymdy damytý jáne áleýmettik máseleler jónindegi oryn­basary Qýat Sultanǵazıevtiń aıtýyn­sha, tozyǵy jetip tóbesinen sý aqqan, esik-terezeleri búlingen, jylý júıesi isten shyqqan bul ǵımarat jańa basshylyqtyń tapsyrmasymen bıyl tolyq jóndeýden ótti. Sonymen qatar seh ishine ártúrli úlgi men materıaldy daıyndaý, óńdeý, formalaý jáne qurastyrý úderisterin úzdiksiz júrgizetin sheteldik arnaıy stanoktar ornatyldy.

– Endi ýnıversıtettiń oqý korpýs­tary men jataqhanalaryna arnalǵan ofıstik jıhazdar, esik-terezeler men par­ta­lar, aýdıtorııalardaǵy dızaındik plas­tık órnekter, gúlzar baqtardaǵy oryn­dyqtar, ashanalardaǵy ústelder, basqa da kúndelikti tutynatyn materıal­dar ózimizde jasalady. Biz osy salada úlken tájirıbesi bar sheber mamandarmen birlesip, seriktestik negiz­de jumys isteımiz. Buǵan qosa tigin se­hy kúrdeli jóndeýden ótip, jaqynda iske qosyldy. Nátıjesinde, barlyq ja­taq­hanadaǵy tósektik oryn jabdyqtary, mat­rastar men jamylǵylar, tereze perdeleri tolyqtaı jańartyldy. Munyń barlyǵy ýnıversıtetimizdiń qazirgi jáne bolashaqtaǵy ınfraqurylymdyq damýyna yqpal etedi. Onyń bári stýdentterdiń ıgiligine arnalǵan, – deıdi Q.Sultanǵazıev.

Qazirgi kezde oqý-zerthanalyq korpýstar men jataqhanalardyń aınalasy abattandyrylyp, «Altyn dán» stýdentter ashanasy qaıta jańǵyrtyldy. Sonymen qatar bıyl 8 oqý korpýsyna jáne 7 stýdenttik jataqhanaǵa aǵymdyq jáne eki jataqhananyń shatyryna kúrdeli jóndeý jasaldy. Ortalyq stadıon men veterınarlyq klınıkaǵa qatysty qurylys jumystary aıaqtalýǵa jaqyn. Keıingi on jylda alǵash ret qolǵa alynǵan mundaı aýqymdy jumystar stýdentterdiń sapaly bilim alýyna, sportpen aınalysýyna, bos ýaqyttaryn tıimdi ótkizýimen qatar qosymsha jumys oryndarynyń ashylýyna yqpal etedi.

ALMATY