FOTO: kapital.kz
Bul Joldaý eldiń áleýmettik-ekonomıkalyq damýynyń barlyq baǵyty barynsha qamtylǵan, halqymyz úshin óte mańyzdy jáne ár azamattyń kókeıinde júrgen máselelerdi naqty sheshýge arnalǵan qujat boldy. Basty maqsaty – otandastarymyzdyń ál-aýqatyn jaqsartý, ómir súrý sapasyn arttyrý jáne básekege tótep bere alatyn el bolý.
Joldaýda ekonomıka men óndiristiń negizgi qozǵaýshy kúshteriniń biri aýyl sharýashylyǵyna asa mán berilgen. Elimizdiń agrarly memleket retinde áleýeti zor ekeni únemi aıtylyp keledi. Bul salanyń problemalary men ony sheshýdiń túrli tetikteri túzilgen memlekettik baǵdarlamalar da jetip artylady. Agroónerkásip keshenin damytý jobalaryn jedel qolǵa alyp, osy saladaǵy shaǵyn jáne orta bıznes nysandaryn qoldaý sharalaryn arttyrý jónindegi Memleket basshysynyń naqty tapsyrmalaryn bizder, osy salamen turaqty shuǵyldanyp kele jatqan kásip ıeleri asa yqylaspen qabyl aldyq.
Keıingi jyldary Almaty oblysynyń Balqash aýdanynda Memleket basshysynyń aldaǵy jyldardaǵy Joldaýlarynda aıshyqtalǵan baǵyt-baǵdarlar údesinen shyǵa otyryp, berilgen tapsyrmalardy oryndaý maqsatynda birqatar jumys atqaryldy. О́tken jyly «Bıznestiń jol kartasy 2025» baǵdarlamasy boıynsha josparlanǵan bes jobanyń ekeýi júzege asyryldy.
Alys aýyldarǵa qatynaıtyn joldardyń sapasy syn kótere bermeıdi. Osy jyly joldardy ortasha jóndeýge: Bereke aýylyna – 33,5 mln teńge, Jeltorańǵy aýylyna – 27,8 mln teńge, Quıǵan aýylyna 67,8 mln teńge qarjy qarastyrylǵan edi, jumystary tamyz aıynda aıaqtaldy. Endi Kóktal aýylyna 49,6 mln teńge bólinip otyr.
Baqanas aýylyndaǵy 5 qabatty, 20 páterli, jalpy aýdany 4,7 myń sharshy metr turǵyn úı qurylysy aıaqtalyp, paıdalanýǵa berildi.
Qaroı aýylyndaǵy Úlgili orta mektebin kúrdeli jóndeýden ótkizýge 489 753 myń teńge qarjy bólinip, jumystar ótken jyldyń jeltoqsan aıynda tııanaqtaldy.
Mine, osy jáne basqa, turǵyndardyń qalypty, jaıly ómir súrýine baǵyttalǵan jumystardyń barlyǵy – Memleket basshysynyń burnaǵy Joldaýlarynda, sondaı-aq «Amanat» partııasynyń saılaýaldy baǵdarlamasynda aıshyqtalǵan maqsat-mindetter. Alda atqarylatyn jumystar tizbesi de asa qomaqty. Atap aıtqanda, kúrish qaýyzyn keshendi kádege jaratý zaýytyn salyp, paıdalanýǵa berý, qamysty tereń óńdeý zaýytyn ashý, taýarly-sút fermasy, jylyjaı qurylystaryn josparlaý, eldi mekenderdiń ishki kóshe joldaryn ortasha jóndeýden ótkizý, sý qubyry jelilerin, magıstraldyq gaz qubyryn salý, áleýmettik ınfraqurylym nysandaryna: medısınalyq mekemeler, balabaqsha, mektepterge, sport alańdaryna jóndeý júrgizý, demalys oryndaryn, saýda núktelerin, qoǵamdyq tamaqtandyrý nysandaryn, qyzmet kórsetý kásiporyndaryn zamanaýı talaptarǵa saı jańǵyrtý, jabdyqtaý, taǵysyn taǵylar.
Agroónerkásip kesheni qyzmetkerleri úshin óndiriske qajetti tehnıkalardyń, qural-jabdyqtardyń mán-mańyzy erekshe. Qazir kópshilik qyzmetkerler, sharýalar qol kúshi emes, ozyq tehnologııa jetistikterine jıi júginedi. Osy turǵyda qolda bar tehnıkanyń azyp-tozǵanyn Prezıdent erekshe atap ótti.
Bul da bizdiń aýdanda ótkir másele bolyp qalyp otyr. Degenmen iske asyp jatqan jumystar da joq emes. Aıtalyq, aýyl turǵyndarynyń tabysyn arttyrý jáne azyq-túlik qaýipsizdigin qamtamasyz etý boıynsha jyl saıyn keminde 10 aýyl sharýashylyǵy tehnıkasyn satyp alý josparlanǵan. О́tken jyly 153 mln 494 myń 176 teńgege 10 jańa aýyl sharýashylyǵy tehnıkasy satyp alyndy. Bul jospar bıyl da oryndalýǵa tıis.
Joldaýda eńbek adamyn laıyqty baǵalaý, mártebesin arttyrý jaıynda da jaqsy aıtyldy. Osy turǵyda jer-jerlerde kásibı mamandardyń tapshylyǵyn alǵa tarta kelip, agroǵylymdy damytý máselesin kún tártibine qoıdy. Agrarlyq ǵylymnyń oıdaǵydaı damymaýy, túptep kelgende, aýyl sharýashylyǵy óndirisiniń toqyraýyna, álemdik ozyq úlgilerden keıindep qalýyna sebep bolady.
Qansha degenmen aýyl sharýashylyǵy salasy memleket tarapynan qoldaý kórmeı otyr dep aıta almaımyz. Joǵaryda aıtqanymyzdaı, kóptegen baǵdarlama, joba bar. Sharýashylyq jelilerin, naýqandyq jumystardy sýbsıdııalaý da barynsha jolǵa qoıylǵan. Úkimet sýbsıdııa bólý sharasy memleket tarapynan jalǵasa beretinine sendirip otyr.
Agrosektordy damytýǵa qatysty atqarylýǵa tıis mindetterdi Memleket basshysy taǵy da aıqyndap berdi. Úlken ári basty mıssııa – ishki naryqty qamtamasyz etip qana qoımaı, Eýrazııadaǵy basty agrarlyq ortalyqqa aınalý, óńdelgen ónim úlesin 70 paıyzǵa jetkizý. Ol úshin taýardy shıkizat kúıinde sata bermeı, et, sút, astyq ónimderin tereń óńdeý baǵytyn damytý kerek. Ony ótkizetin naryq ta úlken. Alpaýyt Qytaı, Reseı elderin aıtpaǵanda, týystas, baýyrlas Qyrǵyzstan, О́zbekstan, Tájikstan elderi de bizdiń aýyl sharýashylyǵy ónimderin kóptep alýǵa qyzyǵýshylyq tanytyp otyr.
Joǵaryda atalǵan mańyzdy mindettermen qosa Joldaýda eńbek naryǵy, kásipkerlikti qoldaý, sý tapshylyǵy máselesin sheshý, salyq saıasatyn jetildirý syndy, aýyl sharýashylyǵy salasy qyzmetkerleri úshin asa qajet máseleler aıshyqtaldy. Joldaýdyń ón boıynan elimizdiń bolashaǵyna degen jańa kózqaras, sony baǵyt, mol múmkindikter tizbegi aıqyn ańǵarylady. Bir sózben, Prezıdent Joldaýynda álemdegi túrli shıelenister, daǵdarystar jaǵdaıyndaǵy eldiń áleýmettik-ekonomıkalyq damý baǵyty naqty kórinis tapqan. Elimizdiń árbir turǵyny osyndaı syndarly sátte jasalǵan Joldaýdyń mán-mańyzyn tereń uǵynyp, ondaǵy tapsyrmalardyń rettilikpen júzege asýyna jumyla úles qosýǵa tıis. Memleket basshysynyń bastamasymen qolǵa alynǵaly otyrǵan árbir jumysqa belsene kirisip, Ádiletti Qazaqstandy jańǵyrta otyryp, jańartý jolynda birligimizdi kórsetý, qajyr-qaıratymyzdy tanytý barshamyzǵa ortaq borysh dep bilemin.
Erbolat QUSAIYNOV,
Almaty oblystyq máslıhatynyń depýtaty,
«Amanat» partııasynyń múshesi
