Foto: Túrkistan oblysy ákimdigi
«El Prezıdenti Qasym-Jomart Toqaevtyń bıylǵy Joldaýynda Túrkistan óńiriniń damýyna tikeleı yqpal etetin máseleler kóterilip, mindetter júkteldi. Taıaýda Úkimettiń qaraýymen Joldaýdy júzege asyrý jónindegi naqty is-qımyl jospary bekitiledi. Biz de óz tarapymyzdan áleýetimizdi saralap, daıyndyqty bastaýymyz kerek. Oblys ákiminiń orynbasarlary, basqarma basshylary, aýdan, qala ákimderi ózderine tıesili salalary boıynsha jospar jasap, eldiń ál-aýqatyn kóterý, Joldaýdaǵy mindetterdi júzege asyrý boıynsha jumysty kúsheıtýleri tıis», dedi Darhan Satybaldy.
Oblystyq ekonomıka jáne bıýdjettik josparlaý basqarmasynyń basshysy Q.Qaıypbek Joldaýda barlyq salanyń ózekti máseleleri qamtylǵanyn atap ótti. Memleket basshysy makroekonomıkalyq saıasatty qaıta júkteý úshin bıýdjettik-salyqtyq saıasatty damytýdy tapsyrdy. Sonymen birge bıyl ekonomıkanyń ósimin 4% dengeıinde qamtamasyz etýdi júktedi. Bıyl oblystyń jalpy óńirlik ónimin 3,5 trln teńgege nemese 3,6% ósimge qol jetkizý josparlanǵan. Budan bólek, oblys ekonomıkasynyń turaqtylyǵyn qamtamasyz etý maqsatynda 2024-2028 jyldarǵa arnalǵan Áleýmettik-ekonomıkalyq damý josparynyń 2-kezeńi ázirlenip jatyr. Boljamǵa sáıkes, 2028 jylǵa qaraı jalpy óńirlik ónim kólemin 1,5 ese kóbeıtip, 5,2 trln teńgege jetkizý kózdelip otyr.
Oblystyq energetıka jáne turǵyn úı-kommýnaldyq sharýashylyq basqarmasynyń basshysy R.Muzdybekov pen oblystyq kásipkerlik jáne ónerkásip basqarmasynyń basshysy N.Myrzahmetov te óz salalary boıynsha atqarylatyn jumystarǵa toqtaldy.
Qazirgi tańda «Kentaý qalasy №5 JEO qazandyqtaryn, jylý júıelerin jáne qosalqy qondyrǵylaryn qaıta qurý» nysany boıynsha oblystyq bıýdjetten 3 mlrd teńge qarjy bólinip, merdiger mekemeler tarapynan tıisti jumystar atqarylyp jatyr. Oblystaǵy 833 eldi mekenniń 814-i ortalyqtandyrylǵan elektr jelisine qosylǵan, qalǵan 19 eldi mekenniń turǵyndary derbes elektr qondyrǵysynan elektr qýatyn paıdalanyp otyr. Sonymen qatar oblys aýmaǵynda jańartylatyn energııa kózderi salasyn damytý baǵytynda birqatar jumystar iske asyrylyp jatyr. Qazirgi tańda, Túrkistan oblysy aýmaǵynda jalpy qýaty 228,6 MVt quraıtyn 23 jańartylatyn energııa kózderi jobalary iske asyrylǵan. Bıyl qazan aıyna deıin Otyrar aýdany, Sháýildir eldi mekeninde qýaty 50 MVt quraıtyn «Sháýildir» kún elektr stansııasynyń qurylys jumystary aıaqtalyp, paıdalanýǵa beriledi.
Joldaýda iri kásiporyndardyń shıkizatty kezeń-kezeńimen qaıta óńdeý baǵytyndaǵy mindettemelerin bekitý jóninde aıtyldy. Kókónisti, jemis-jıdekti, aýyl sharýashylyǵy ónimderin tereń óńdeý isi jandanady. Osy oraıda, atalǵan salany damytýdyń mańyzdylyǵyn eskere otyryp, otandyq jáne sheteldik ınvestorlardy tartý boıynsha birqatar jumystar atqarylyp jatyr. Atap aıtqanda, maqtany tereń óńdeý jáne klaster qurý boıynsha ózbekstandyq «Global Textile» jáne qytaılyq «Peng Sheng» kompanııalarymen ýaǵdalastyqqa qol jetkizildi. Sonymen qatar Shardara aýdanynda «KazKrahmal» JShS júgerini tereń óńdeý zaýytynyń qurylysyn júrgizýde jáne «Atmo Capital Turkistan» JShS-i qyzanaq jáne baqsha daqyldaryn tereń óńdeý zaýytyn júzege asyrýdy josparlap otyr.
Túrkistan qalasynda pııaz jáne sarymsaq daqyldaryn tereń óńdeý arqyly keptirilgen daıyn ónimderge qosylatyn dámdeýishterin óndirý zaýytynyń qurylysyn bastaý máselesi de qarastyryldy. Sondaı-aq Saıram aýdanynda «Nurym Group» JShS qurama jem óndirisi jáne iri qara mal qaldyqtaryn tereń óńdeý zaýytynyń qurylysyn josparlap otyr. Odan ózge de josparlar bar.
Aıta ketsek, Túrkistan oblysynda ónerkásip salasynda sońǵy 5 jylda ónim kólemi 2 ese ósip, 2022 jyly 866,6 mlrd teńgege jetken. 2023 jyldyń 7 aıynyń qorytyndysy boıynsha 519,3 mlrd teńgeniń ónimi óndirilip, naqty kólem ındeksiniń 104,5% quraǵan. Atalǵan salada 350-den asa kásiporyn jumys istep, 31,7 myń adam jumyspen qamtylǵan.
