Sýrette: KMF klıenti jeke menedjerimen
Biz búgingi taqyrybymyzda «Kásipkerler nelikten KMF-ti tańdaıdy?» degen suraqtyń jaýabyn izdemekpiz. Sebebi bul kompanııa otandyq shaǵyn kásipkerlik áleminen oıyp turyp oryn aldy. KMF mıkroqarjy ındýstrııasynyń kóshbasshysy sanalady. Kompanııanyń strategııasy kásipkerlikti damytýǵa baǵyttalǵan. Naryqqa 1997 jyly kelgen uıymda búginge deıin júzdegen myń klıentke qyzmet kórsetildi. KMF mıkroqarjylandyrýǵa qoljetimdilikti qarapaıym, yńǵaıly jáne jyldam ete otyryp, sıfrlyq qyzmetterdi jaqsartýdy jáne óz klıentterine odan da kóp múmkindikter berýdi josparlap otyr. KMF klıentteriniń basym bóligi – agrosektor ókilderi, taratyp aıtqanda, ekinshi deńgeıli bankterdiń aıaǵy jetpeı jatqan aýyl fermerleri.
Kompanııada dál qazir 255 myńnan asa klıent bar. Solardyń biri Túrkistan oblysy Tóle bı aýdany Kóksáıek aýyldyq okrýginiń turǵyny Muhtarhan Rysaqbaevtyń ótken ómirin búginimen salystyrýǵa kelmeıdi. Osydan biraz jyl buryn jumyssyz qalǵan sátte tym quryǵynda kúzetshi bolarmyn dep oılapty. Qazir ol bıznestiń tórt baǵytyn ıgerip, iri kásipkerge aınalyp úlgergen.
«Nesıe alǵanda men onyń paıyzyna nazar aýdarmadym. Naryqta tegin ónim túri joq. Másele – alǵan nesıeńdi durys baǵyttaı bilýde. KMF-ten 20 mln teńge nesıe alyp turyp, keleshekte bul qarjyny 100 mln teńgege kóbeıtemin degen jospardy kókeıge túıip qoıdym. Kezinde nesıege alynǵan eki mıkserim qazir eki zaýytqa aınaldy. Qınalǵan sátte qol sozǵan KMF-ke degen alǵysym sheksiz», deıdi kásipker.
KMF dál qazir bızneske, agro men tutynýshylyq maqsattarǵa mıkrokredıt usynady. Biz aldaǵy ýaqytta olardyń árbirine jeke toqtalyp, taratyp aıtamyz. Al búgin biregeı «KMF-Dostar» týraly aıta keteıik. «KMF-Dostar» – mıkrokredıttik ónim, túsinikti tilmen aıqanda, toptyq qarjylandyrý. Bul ónim boıynsha 10 adamǵa deıin jınaqtalǵan top músheleriniń árqaısysy 7 mln teńgege deıin jáne kepilsiz nesıe ala alady. Onyń biregeıligi mynada: toptaǵy 10 adam biri bári úshin, bári biri úshin jaýapty, mundaǵy kepildik – dostar men tanystar arasyndaǵy senim men jaýapkershilik.
Sondaı-aq KMF usynyp otyrǵan baǵdarlamalar arasynda aýyl sharýashylyǵymen aınalysatyndar úshin arnaıy jeńildikter bar. Mysaly, jeńildikti kezeń, 1 jylǵa nesıe alǵan fermer jyldyń 10 aı boıy nesıeniń negizgi paıyzyn ǵana tóleıdi. Al sońǵy eki aıda, ıaǵnı ónimin jınap alǵan kezde negizgi qaryzdy tóleıdi.
KMF ókilderiniń aıtýynsha, munda ár klıentke jeke jaǵdaı jasalady, árbiriniń jeke menedjeri bar. Olar klıentimen árdaıym baılanysta, kez kelgen suraqtaryna jaýap berip, keńesin aıamaıdy.
KMF-tiń naryqqa usynyp otyrǵan taǵy bir tamasha qyzmet túri – faktorıng. Bul kúrdeli máselelerdi sheship, tek qarjylyq emes, sonymen qatar satyp alýshy men jetkizýshi arasyndaǵy uzaqmerzimdi seriktestikke de áser etedi. Faktorıng – keıinge qaldyrylǵan tólem sharttary boıynsha klıenttermen jumys isteıtin bıznes úshin qolaıly qural. Bul qural satyp alýshyǵa taýar jóneltilgennen keıin aqshany birden alýǵa jáne qolma-qol aqshadaǵy kemshilikterdi joıýǵa múmkindik beredi.
Qarap otyrsaq, qarjy uıymynyń kásipkerler úshin jasaǵan baǵdarlama men usynystary jeterlik, qarjy saýattylyǵyn arttyrýǵa arnalǵan tegin sabaqtary – bir tóbe. Sol úshin de kásipti resmı júrgizip, jeke kásipker retinde tirkelýdiń mańyzy – osynda. Jeke kásipkerlik úshin qarjylandyrý salasynda múmkindikter san alýan, sebebi resmı tirkelgen bızneske qarjy uıymy da, túptep kelgende klıent te kóbirek senedi.
Mıkroqarjylyq qyzmetti júzege asyrý quqyǵyn beretin QNRDA-nyń
26.02.2021 jylǵy №02.21.0003.M lısenzııasy
Almaty
