Jobanyń oryndalý barysy QR Úkimeti Apparaty janyndaǵy «Aýyl Amanaty» jobalyq keńsesiniń kezekti otyrysynda talqylandy. Jıynǵa Premer-mınıstrdiń orynbasary T.Dúısenova qatysty. Aýyl sharýashylyǵy mınıstrliginiń óńirlerdegi jobasynyń iske asyrylý barysy jáne jergilikti atqarýshy organdardyń bólingen nesıelik resýrstardy ıgerilýi týraly esepteri tyńdaldy.
Máselen, osy jyldyń 13 qyrkúıeginde 1388 aýyldyq okrýgti qamtıtyn 42 mlrd teńge somasyna 7429 shaǵyn nesıe berildi. Onyń 85%-y mal sharýashylyǵy salasyna (35,8 mlrd teńge), 7%-y ósimdik sharýashylyǵyna (2,8 mlrd teńge), 5%-y kooperatıvter úshin aýyl sharýashylyǵy tehnıkasy men jabdyqtaryn satyp alýǵa jáne 2,6%-y basqa baǵyttarǵa (1,1 mlrd teńge) berilgen.
Jıyn qorytyndysyna sáıkes Premer-mınıstrdiń orynbasary jaýapty memlekettik organdar men óńirlerge oblys, aýdan, aýyldyq okrýg deńgeıinde jobalyq keńseler qurý, sıfrlyq platformany ázirleý prosesin jedeldetý jóninde tapsyrmalar berdi.
Barlyq deńgeıdegi ákimdikterge jyl sońyna deıin aýyldyq okrýgterge skrınıng júrgizý, olardyń ekonomıkalyq mamandanýyn aıqyndaý, sondaı-aq aýyldyq kooperatıvter qurý jumysyn jandandyrý tapsyryldy.
Sondaı-aq Jambyl jáne Aqtóbe oblystarynyń oń tájirıbesi usynyldy. Onda jobany iske qosý algorıtminen bastap, aýyldyq okrýgterge skrınıng júrgizý, aýyl sharýashylyǵy kooperasııasyn qurý, daıyn aýyl sharýashylyǵy ónimderin ótkizý tizbegin uıymdastyrý úderisin retteı aldy.
