Ýnıversıtet basshylyǵynyń sheshimimen professor-oqytýshylar quramy men búkil ujymǵa arnalǵan áleýmettik nysanaly kómekti kúsheıtý maqsatynda jaqynda Kásipodaq uıymy qurylyp, bıýdjetten qarjylandyrylatyn bolady. Osy jyldyń qazan aıynan bastap kásipodaq músheleri Almaty qalasyndaǵy qoǵamdyq kólikterde tegin júrý bıletimen qamtamasyz etiledi.
Qazirgi kezde ýnıversıtettiń qyzmetkerleri men stýdentterdiń áleýmettik-turmystyq jaǵdaıyn qoldaý maqsatynda arnaıy áleýmettik dúken ashylyp, jumys isteı bastady. Munda kúndelikti tutynatyn azyq-túlik qaladaǵy basqa saýda oryndaryna qaraǵanda 10-15 paıyzǵa tómen baǵamen satylady. Aldaǵy ýaqytta qyzmetkerler men stýdentter úshin fermerlik qojalyqtardan tikeleı aýyl sharýashylyǵy ónimderi (et, maı, kartop, kókónis, jemis-jıdek, t.b.) kóterme saýda baǵasymen jetkiziletin bolady. Sondaı-aq ctýdentter úshin arnaıy ashana jumys istese, qyzmet kórsetý ortalyǵynda da «bir tereze» qaǵıdatymen anyqtama alý, onlaın ótinish berý sııaqty kóptegen qyzmet túri qoljetimdi.
ALMATY
