Yqylas murasyna yjdaǵat

Saýdakentke jınalǵan jurt aldymen qobyzshylar top­qa túsken «Jezkıik» respýb­lıkalyq baıqaýyn tamashalady. О́ner dodasyna elimizdiń bes óńirinen 11 qobyzshy qatysyp, ónerin ortaǵa saldy. Qatysýshy úmitkerler oryndaǵan shyǵar­malardyń barlyǵy da kórermen qaýymnyń kóńilinen shyqty.

Baıqaý qorytyndysynda Atyraý oblysynan kelgen Aıa­­tolla Turǵanovtyń ónerin qa­zy­lar alqasy joǵary ba­ǵa­lap, bas júldege laıyq dep tapty. Júldeli birinshi oryndy Anar­bek Myrzabaı men Jalǵas Nu­rashov ıelense, ekinshi oryn Gúlnur Qýanyshqalıeva, Aı­sha Berdimuratova, Qazbek Mal­dy­baıǵa buıyrdy. Sondaı-aq Gúlnur Rahymjanova, Áb­dimanap Báıdibek jáne Arý­jan Tasbolat úzdik úsh­tik­tiń qa­tarynan kórinse, Áı­­ge­­rim Ah­metjanova men Aı­­sha Oma­rova yntalan­dy­rý júl­desine ıe boldy. Je­ńim­paz­­dar men júlde­gerlerdiń Al­­ǵysha­ty men syı-sııapatyn Qa­zaq­stannyń Eńbek Eri, áıgili kom­­pozıtor Ilııa Jaqanov pen aý­dan ákimi Sáken Mamytov ta­bystady.

Is-shara sońy Saýdakent aýylyndaǵy mádenıet úıinde uıymdastyrylǵan «Qobyz ata­­sy – Yqylas» atty respýb­lı­kalyq forýmǵa ulasty. Fo­rýmnyń ashylý saltanatynda Sarysý aýdanynyń ákimi Sáken Mamytov Yqylas murasyn jań­ǵyrtý úshin aýdanda bir­qa­tar jumys qolǵa alynatynyn aıtyp ótti. Is-sha­rany Dına Nurpeıisova atyn­­daǵy akademııalyq qazaq halyq aspaptar orkestriniń so­lısi, Mádenıet salasynyń úzdigi, kúıshiler odaǵynyń Aty­raý ob­lystyq fılıalynyń je­tekshisi Aqnar Táttibaıqyzy júrgizdi.

Forým barysynda Qa­zaq­­stannyń Eńbek Eri, áı­gili kom­­pozıtor Ilııa Jaqa­nov, qo­ǵam qaıratkeri Ábdi­ma­nap Kóp­bergenov, Yqy­las­tyń dás­túrli mektebin jal­ǵas­ty­rý­shy-ustaz Ábdi­ma­nap Ju­ma­­bekov, jazýshy Per­nebaı Dúısenbın bastaǵan ózge de már­tebeli meımandar sahna tórine kóterilip, baba murasyn na­sıhattaýdyń mańyzy týraly oılaryn ortaǵa saldy.

Jambyl oblysy,

Sarysý aýdany