Foto: Ashyq derekkóz
Pro.NRG-2023 pedagogtar men ǵalymdar úshin dástúrli halyqaralyq ǵylymı forým retinde tanylǵan. Bıyl bedeldi festıval «STEM-bilim berýdiń turaqty damýy» taqyrybynda ótti.
Eýropanyń jaratylys salasyndaǵy tájirıbeli professorlary Maıkl Gregorı (Fransııa), Gordon Kennedı (Italııa), Nasko Stamenov (Bolgarııa), Pol Landmannan (Ispanııa) tórelik etken baıqaýda elimizdiń túkpir-túkpirinen kelgen 50 úzdik qazaqstandyq joba talqyǵa tústi. Nátıjesinde sarapshylar jeti jobany tańdady. Jeńimpaz ustazdar kelesi jyldyń jazynda Fınlıandııada ótetin 13-shi Eýropalyq «Science on Stage-2024 festıvalinde» respýblıkanyń abyroıyn qorǵaıtyn bolady.
«Science on Stage» festıvaline Eýropanyń 30-dan astam elinen ulttyq baıqaýlardyń jeńimpazdary qatysady. Kásibı alańda álemniń túkpir-túkpirinen baratyn 500-ge jýyq mektep muǵalimderi stendterde, semınarlarda jáne sessııalarda ózderiniń eń kreatıvti STEM ıdeıalarymen bólisetin bolady.
ALMATY
