Grýzııa qoshemeti

Ulttyq mýzyka – eldiń mádenıetimen tanysýdyń tamasha tásili. Osyny eskergen baǵdarlama avtory, Qazaqstannyń eńbek sińirgen qaıratkeri Abzal Mu­hıtdın otandyq kompozıtorlardyń týyn­dylaryna aıryqsha kóńil bóldi. Alǵash ret «Astana Opera» sımfonııalyq orkestri men horynyń súıemeldeýimen opera trýppasynyń oryndaýynda M.Tólebaevtyń «Birjan – Sara» ope­ra­­synan úzindiler, T.Qajyǵalıevtiń «Dala ańyzy» sıýıtasynan «Qyz qýý» sımfonııalyq skersosy, Abaıdyń «Aıt­tym sálem, Qalamqas» áni, S.Muha­med­janovtyń «Aısulý» operasynan Serke kavatınasy Tbılısıde shyrqaldy.

Teatr ujymy ulttyq mýzykamen qatar, álemdik klassıkadan – Dj.Pých­chınıdiń «Toska» jáne «Týrandot», J.Bızeniń «Karmen», Dj.Rossınıdiń «Jibek saty», J.Offenbahtyń «Gof­man ertegileri», G.Donısettıdiń «Don Paskýale» operalarynan jáne ta­ǵy basqalarynan tanymal ári kóp­shi­lik unatatyn arııalar men dýetter usyndy. Qazaqstandyq ártister men mý­­zykanttardyń grýzın ulttyq klas­sıkasy sanalatyn V.Dolıdzeniń «Keto men Kote» operasynan Bıdi jáne Z.Pa­lıash­vılıdiń «Daısı» operasy­nan dýetti oryndaýy tbılısılik tyńdar­man­dar úshin keremet tosyn syı boldy.

Kórermender «Astana Operanyń» je­tekshi solısteri, Qazaqstannyń eń­bek sińirgen qaıratkerleri Saltanat Ahmetova, Aıgúl Nııazova, Janat Shy­­byqbaev, Medet Shotabaev, Meıir Baıneshke, sondaı-aq halyqaralyq jáne ulttyq baıqaýlardyń laýreat­tary Gúl­janat Sapaqova, Tatıana Vı­sınskaıa, Evgenıı Chaınıkov, Erjan Saıpov, Artýr Gabdıevke qoshemet kórsetti. E.Ha­sanǵalıevtiń «Atameken» rýhty ánin barlyq ártistiń oryndaýy keshtiń jar­qyn qorytyndysy boldy. Mádenıet jáne aqparat mınıstrligi men Grýzııadaǵy Qazaqstan Elshiliginiń qoldaýymen ótken konserttiń rejısseri retinde Erenbaq Toıkenov ter tókti.

– Búgingi keremet keshten alǵan áserim de, tańdanysym da erek. О́ıtkeni men búgin qazaq mýzykasymen tanys­tym. Sahnalyq kostıýmderdiń kópshiligi grýzııalyq sý­retshiniń qolynan shyq­qany da marqaıtyp tastady. Jalpy, trýppanyń ásirese grýzın ánderin asqan sheberlikpen shyrqaǵan talantyna tánti boldym. Osy mýzykalyq keshten keıin olar mendeı jalyndaǵan kórermenge ıe boldy. Sizder bizdiń jaqqa jıi keledi degen senimdemin. О́ıtkeni mundaı tamasha óner kórsetýdi jalǵyz men ǵana emes, kelesi joly otbasy, dos­tarym da kórse, tyńdasa eken deımin. Qaı jerde óner kórsetse de, «Astana Ope­ra» teatrynyń jankúıerimin, – dedi grý­­zın televızııasynyń jýrnalısi Nıno Ramıshvılı.

Qazaqstandyq ujymnyń kórsetken óneri talǵampaz kórermenniń de kóńiline zor serpilis syılady. Ony konsertten shyqqannan keıingi tyńdarmandar tańdanysy qýattady:

 – Júregime jylý bergen osynaý tamasha konsert ómir boıy jadymda jattalary sózsiz. Ásirese dombyranyń jandy daýysy erekshe áser etti. Zalda otyr­ǵandardyń kópshiligi osy as­pap­tyń daýysyn alǵash ret estip otyr. Ártis­terdiń kásibı biliktiligi kóńilge qurmet ornyqtyrady. Bárekeldi! – dedi konsertten keıin óz áserimen bólisken Davıd Bıseıshvılı.

Sh.Rýstavelı atyndaǵy Ulttyq mem­lekettik akademııalyq teatrynyń tarıhı sahnasyndaǵy «Tbılısıdegi dala úni» konserti «Astana Operanyń» XI teatr maýsymyndaǵy alǵashqy gastroldik óner kórsetýi boldy. Teatr basshylyǵy atap ótkendeı, grýzııalyq kórermender qoshemetine bólenip, elge tabysty oralǵan «Astana Operanyń» ártisteri men mýzykanttaryn alda otandyq jáne sheteldik klassıkalyq óner jankúıerlerimen taǵy da kóptegen jarqyn júzdesý men keremet kezdesý kútedi.