Is-sharaǵa belsendi qatysqan toptar áýeli ózderi basqan kıizdi jáne urshyqpen ıirgen jipti qazylar alqasynyń nazaryna usynyp, ataýyn, kıiz basý tásili arqyly qolóner buıymdaryn ázirleýdiń artyqshylyqtaryn áńgimege arqaý etti.
Festıvalde baq synaǵan ujymdardyń jumysyn saralaǵan qazylar alqasy «Urshyq ıirý» atalymy boıynsha «Asyl mura» tobynyń eńbegin joǵary baǵalap, birinshi orynǵa laıyq dep tapsa, «Sheber shańyraq» ujymy júldeli ekinshi oryndy, «Sholpy» toby úshinshi oryndy ıelendi. Al «kıiz basý» atalymy boıynsha «Asyl qazyna» toby jeńimpaz atansa, «О́shpes mura» ujymy ekinshi, «Sheber shańyraq» toby júldeli úshinshi orynǵa ıe bolyp, qomaqty qarjylaı syılyqpen marapattaldy.
– Bıyl respýblıka kóleminde alǵashqy ret «KıizFest» uıymdastyrylyp otyr. Qazaq halqy kıizdi qundylyq retinde baǵalaǵanyn tarıhtan bilemiz. Halyq hanyn da, qurmet tutqan qadirli tulǵasyn da aq kıizge otyrǵyzǵan.
Búgingi baıqaýǵa qatysýshylarymyzdyń barlyǵy da jahandaný dáýirinde umytylyp bara jatqan kıiz basýdy zamanaýı úlgide jańǵyrtyp, aldaǵy ýaqytta ulttyq qundylyǵymyzdy nasıhattaýǵa óz úlesterin qosatynyna senimim mol. О́ıtkeni bul bizdiń babalardan jetken ulttyq baılyǵymyz, – dedi is-sharanyń marapattaý rásimine qatysqan Taraz qalasy ákiminiń orynbasary Dáýir Dáýletov.
Taraz
