Qoǵam • 03 Qazan, 2023

Senatorlar aqparat almasý týraly halyqaralyq kelisimdi talqylady

140 ret

kórsetildi

1 mın

oqý úshin

Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń depýtattary «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Taraptar memleketteriniń azamattaryna qatysty aqparat almasý týraly kelisimdi ratıfıkasııalaý týraly» zańdy talqylady, dep habarlaıdy Egemen.kz joǵarǵy palatanyń baspasóz qyzmetine silteme jasap.

Qýanysh NURDANBEKULY

Senatorlar aqparat almasý týraly halyqaralyq kelisimdi talqylady

Foto: senate.parlam.kz

Zańnyń maqsaty - memleketterdiń kóshi-qon salasynda aqparat almasý týraly ózara is-qımylyn qamtamasyz etý.

Atap aıtqanda, qujatta taraptardyń kelgen azamattar, berilgen vızalar, kelý jáne bolý erejelerin buzý, azamattyqqa qabyldanǵan adamdar týraly aqparat almasý kózdelgen. Zańnyń qabyldanýy Qazaqstan men Qytaıdyń kóshi-qon jáne qos azamattyqqa qarsy is-qımyl salasyndaǵy quzyretti organdary arasyndaǵy yntymaqtastyqtyń quqyqtyq negizin qalyptastyrýǵa múmkindik beredi.

Komıtet músheleri talqylaýdy qorytyndylap, zań jobasyn palatanyń otyrysynda qaraý jóninde sheshim shyǵardy.