Bıyl aýyl sharýashylyǵy daqyldary 870,2 myń gektarǵa ornalastyrylyp, ótken jylmen salystyrǵanda 9,4 myń gektarǵa artqan. Al mal azyqtyq daqyldar ótken jylmen salystyrǵanda 2,1 myń gektarǵa artyp, 223,7 myń gektarǵa egilgen.
Oblys ákimdiginiń habarlaýynsha, bıyl mal qystatý naýqanyna qajetti 4,3 mln tonna iri soıaýly mal azyǵy daıyndalǵan. Búginde 273,4 myń gektarǵa egilgen astyqtyń gektar túsimdiligi 18,0 sentner bolyp, 492 myń tonna ónim jınaldy. Egis alqaptarynan mal qystatý naýqanyna qajetti 300,1 myń tonna saban, bıdaı, arpa qaldyqtarynan 89,4 myń tonna pishendeme daıyndalǵan. Bıyl 1,5 jyldyq mal azyqtyq qordy qamtamasyz etý maqsatynda, 1,7 mln tonna jońyshqa, 1,9 mln tonna tabıǵı shóp, 22,4 myń tonna súrlem jınaldy. Sonymen qatar taýar óndirýshiler arqyly ózge oblystardan 399,3 myń tonna mal azyǵy satyp alyndy.
Al óńirdegi naryqta sabannyń syǵymdalǵan bir danasy 650-700 teńgeden, jońyshqa 1250-1300 teńgeden, pishen 900-950 teńgeden saýdalanyp jatyr.
