Qarap otyrsaq, Almatyda bastaýysh synyp oqýshylarynyń 35%-y táýligine kem degende 1-2 saǵat gadjetke telmiredi. Bul balalardyń 33%-y ǵalamtorda baılanyp otyratyn bolsa, 9%-y gadjetke múldem qaramaıdy. Al 13-15 jastaǵy jasóspirimderdiń 69%-y kúndiz-túni 2 saǵattaı nemese odan kóp ýaqyt vırtýaldy álemge súńgıdi.
Sonymen Dúnıejúzilik psıhıkalyq saýlyq kúni qarsańynda «Balalar men jasóspirimder arasyndaǵy gadjetterge táýeldiliktiń aldyn-alý sharalary» atty oqý-ádistemelik qural jaryq kórdi.
Oqý-ádistemelik quralda Almaty qalalyq psıhıkalyq saýyqtyrý ortalyǵy qyzmetkerleriniń qala mektepterindegi balalar men jasóspirimderdiń gadjetke táýeldiligin zertteý nátıjeleriniń qorytyndysy jarııalanǵan. Ortalyqtyń dırektory Sapar Rahmensheevtiń aıtýynsha, zertteý jumystaryna 6-18 jas aralyǵyndaǵy 3300 oqýshy tartylsa, olardyń 1664-i – qyz balalar , 1636-i – uldar (49,5%).
– Muǵalimder men ata-analarǵa arnalǵan mundaı nusqaýlyq qazaq jáne orys tilderde birinshi ret jaryq kórdi. Kitapshada balalardaǵy gadjetterge jalpy táýeldiliktiń qaı deńgeıde ekenin anyqtaý barysynda qandaı suraqtar qoıý kerek, qalaı kómektesý kerektigi jaıynda maǵlumattar bar. Zertteý jumystary 2022-2023 jyldary Almaty qalasynyń jalpy bilim beretin mektepteriniń basshylary, ata-analarynyń kelisimi arqyly saýalnama ádisimen júrgizildi. Gadjetke táýeldi balanyń oıynpazǵa aınalýy op-ońaı. Bul dertpen kúresý úshin aldymen qumar oıyndaryna eliktiretin jarnamalardy toqtatý kerek, – deıdi Sapar Rahmensheev.
Mamandar atsalysqan zertteýlerdiń nátıjesinde bastaýysh synyptaǵy balalardyń, jasóspirimderdiń boıyndaǵy gadjetke táýeldiliktiń belgileri, sebepteri anyqtalǵan. Bul nusqaýlyq – Almaty qalalyq psıhıkalyq saýyqtyrý ortalyǵy men Almaty qalalyq bilim basqarmasy jáne Qazaqstan-Reseı medısınalyq ýnıversıtetiniń birlesken jobasy.
Búgin − Dúnıejúzilik psıhıkalyq saýlyq kúni Almaty qalalyq psıhıkalyq saýyqtyrý ortalyǵyǵynda ashyq esik kúni ótti. Ortalyqtyń psıhologtary, psıhıatrlary, terapevteri men nevropotologtary tegin medısınalyq, psıhologııalyq keńes berdi.
