Ashyq derekkóz
Elimizdiń ár óńirinen kelgen Bilim basqarmasy mekemeleri ókilderin, ǵalymdar-pedagogter, dárigerler, psıhologtardy toǵystyrǵan is-sharaǵa Almaty qalalyq Bilim basqarmasynyń «Bilim berýdegi jańa tehnologııalardyń qalalyq ǵylymı-ádistemelik ortalyǵy» men Nestlé Kazakhstan uıytqy boldy.
Kezdesý barysynda «Salaýatty tamaqtaný mektebi» biregeı bilim berý jobasynyń jumys tájirıbesi talqylandy. Elimizde 10 jyldan beri júzege asyrylyp kele jatqan osy baǵdarlamanyń arqasynda 200 myńnan astam bala durys tamaqtaný erejelerin meńgerdi desek te bolady. Mundaı nátıjelerge baǵdarlama aıasynda balalardy paıdaly ádetterge tárbıeleýdiń ınteraktıvti ádisterin belsendi túrde qoldaný arqyly qol jetkizildi.
Baǵdarlama jalǵasyn tabatyndyqtan, jańa oqý jyly bastalǵaly beri birneshe jańa bilim berý resýrstary iske qosylyp otyr. Iаǵnı, sıfrly sabaqtar, fýd-zerthana, «Bizdiń dastarhan» baıqaýy syndy jańa bastamalar tamaqtanýǵa baılanysty bilim men daǵdylardy qalyptastyrý úshin ǵana emes, sondaı-aq balalardy tamaq daıyndaı bilýge úıretedi. Sonymen qatar joba aıasynda balalardyń ulttyq aspazdyq mádenıetke degen qyzyǵýshylyǵyn qalyptastyrý da qarastyrylady.
«Bilim berý júıesinde oqytý sapasyn arttyrý maqsatynda ınnovasııalyq tehnologııalar belsendi engizilip jatyr. Alaıda, mektep tek zamanaýı jáne tıimdi bilim berý baǵdarlamalaryn ǵana emes, sonymen qatar tárbıelik, onyń ishinde óskeleń urpaqta salaýatty tamaqtaný mádenıetin qalyptastyrýmen baılanysty baǵdarlamalardy qajetsinedi. Sondyqtan mektep oqýshylaryna óz densaýlyǵyna qamqorlyq jasaýǵa múmkindik beretin «Salaýatty tamaqtaný mektebi» baǵdarlamasynyń máni zor», deıdi Y.Altynsarın atyndaǵy Ulttyq bilim akademııasynyń jetekshi ǵylymı qyzmetkeri, bıologııa ǵylymdarynyń kandıdaty Botagóz Ahmetova.
«Respýblıka pedagogteri bıylǵy oqý jylynda «Salaýatty tamaqtaný mektebiniń» sıfrly modýlderimen belsendi tanysa bastady. Muǵalimder jyl saıyn pedagogıkalyq jumystyń jańa nysandary men ádisteri týraly biletin Respýblıkalyq tamyz keńesi aıasynda biz qatysýshylarǵa joba týraly aıtyp qana qoımaı, sondaı-aq keıbir quraldarmen jumys isteýdi usyndyq. Nátıjesi tamasha – bilim berý resýrstary pedagog-praktıkterdiń joǵary baǵasyna ıe boldy», deıdi Almaty qalalyq Bilim basqarmasynyń «Bilim berýdegi jańa tehnologııalardyń qalalyq ǵylymı-ádistemelik ortalyǵy» bóliminiń basshysy Tatıana Ejova.
О́z kezeginde osy bastamaǵa on jyldan astam ýaqyt boıy atsalysyp otyrǵan Nestlé bilim berý baǵdarlamalarynyń jetekshisi, pedagogıka ǵylymdarynyń kandıdaty Aleksandra Makeeva: «Salaýatty tamaqtaný mektebi» jobasyn ınnovasııalar men turaqty damý aıryqshalaıdy. Onyń shaǵyn oqý kýrsynyń ártúrli baǵyttaryn biriktiretin jáne kóptegen tıimdi ári zamanaýı tehnologııalar arqyly júzege asyrylatyn aýqymdy keshenge aınalǵan on jyldyq tarıhy – osynyń jarqyn dáleli. Búgingi tańda «Salaýatty tamaqtaný mektebi» balalardy ǵana emes, ata-analardy, muǵalimderdi, ǵalymdardy biriktirip otyr», deıdi.
Sondaı-aq dóńgelek ústelden keıin «Salaýatty tamaqtaný mektebi» baǵdarlamasynyń tabysty jumysyna 10 jyl» atty respýblıkalyq konferensııa ótip, qatysýshylar baǵdarlamanyń ádistemelik aspektilerimen tanysyp, ony iske asyrý boıynsha egjeı-tegjeıli nusqaýlyqtarmen tanysty. Sondaı-aq Almaty qalasyndaǵy bilim mekemelerine baryp, ashyq sabaqtarǵa qatysty.
Konferensııa aıasynda elimizde alǵash ret ótken «Bizdiń dastarqan» sýretter baıqaýyna qatysqan oqýshylar marapattaldy.
