Foto: inbusiness.kz
«Elimizdiń iri ónerkásip, saýda jáne mádenı ortalyqtarynyń birin keshendi damytý aıasynda turǵyn úı qurylysynyń kólemi ulǵaıady, jańa óndiris aımaqtary, aınalma t/j tarmaǵy jáne ótkizý qabileti táýligine 20 myń jolaýshy bolatyn vokzal ashylmaq. О́nerkásip aýmaqtaryn jańǵyrtý máselelerine kóp kóńil bólinedi. Olardyń aýmaǵyn 2035 jylǵa deıin jańa ındýstrııalyq aımaqtardy salý esebinen 5 myń gektarǵa ulǵaıtý josparlanyp otyr. Onda perspektıvaly 14 ónerkásip klasteri damıtyn bolady. Qabyldanǵan sharalardyń nátıjesinde 2035 jylǵa qaraı qalanyń áleýmettik-ekonomıkalyq salalarynda 1 mln-nan astam jumys orny bolady», dep jazylǵan qaýlyda.
Elimizdegi úshinshi megapolısti damytý jónindegi bas josparda Badam, Qoshqarata, Qarasý jáne Saıramsý ózenderiniń sý qorǵaý beldeýleri men aımaqtarynyń jobalary ázirlenetini de jazylǵan.
Shymkent qalasynyń turǵyndaryna aqparattyq-kommýnıkasııalyq qyzmetterdiń keń spektrin usynýǵa múmkindik beretin Next Generation Network tehnologııasyn paıdalana otyryp, telekommýnıkasııalyq jelilerdi keńeıtý jáne jańǵyrtý máseleleri jeke qaralady.
