Basylymdardyń basty baılyǵy – oqyrman

Bıylǵy naýqan aıasynda Mańǵystaý oblysyna arnaıy issaparmen «Qazaq gazetteri» JShS bas dırektory Dıhan Qamzabekuly keldi.

Ol oblystyq máslıhattyń uıymdas­tyrýymen ótkizilgen Alash ardaq­ty­sy, qalamy qarymdy pýblısıst, kór­­nekti memleket qaıratkeri Jalaý Myń­baıulynyń ómiri men shyǵarma­shylyǵyna arnalǵan «Elim dep ótken Er Jalaý» atty alqaly jıynǵa qatysty.

Atalǵan is-sharada Qazaqstan Jazý­shylar odaǵynyń, Qazaqstan Jýrna­lıster odaǵynyń jáne halyqaralyq Jam­byl atyndaǵy syılyqtarynyń laý­reaty D.Turlybek, oblys ákiminiń orynbasary Z.Esbergenova, oblystyq máslıhat tóraǵasy J.Mataev, belgili aqyn S.Adaı jıylǵan qonaqtardy, ásirese stýdent jas­tardy Alash arys­tarynyń ultty saqtaý, azattyqty ańsaý jolyndaǵy ómirlerin qıǵan eren isteri týraly aıtyp, tarıhty qurmetteý, Alash ardaqtylaryn taný jáne zertteý, otandy súıý, elge qyzmet etýge shaqyrǵan ta­ǵylymdy tilekterin arnady.

– Elim dep eńirep ótken erlerdiń eren eńbegin ǵalymdarymyz elep-ekshep, biraz zertteý kitaptary jazyldy. Biz endi osy ulaǵatty isti jastarymyzdyń uǵynǵanyn jáne jalǵastyrǵanyn qalaımyz. Eldiń keleshegi – jastar, keıingi tolqyn keshegi erler­diń rýhyna, búgingi eljandy aǵa býynnyń tilegine saı bolyp ósip-jetilse, ur­paqtar arasyndaǵy sabaqtastyqty saq­taı bilse – memleketimiz órkendep, tá­ýel­sizdigimiz nyǵaıyp, ulttyq qasıet-qundylyqtarymyz joǵalmaıtyn bolady, dedi S.Adaı aǵynan aqtarylyp.

Kezdesý Mańǵystaý oblystyq máslı­haty ǵımaratynda jalǵasyp, más­lıhat tóraǵasy J.Mataev munaıly ólkeniń áleýmettik-ekonomıkalyq damýy týraly baıandady.

– О́ńirde qazirgi tańda sheshimin tappaı turǵan máseleler bar, biraq onyń bári óz ýaqytymen sheshiledi. Biz muny qolǵa alynǵan jáne júzege asyrylatyn aýqymdy josparlarǵa qarap bilemiz. Qazirgi tańda Mańǵystaýda týrızmdi damytý baǵytynda irgeli ister júrgizilip jatyr. Sondaı-aq jumyssyzdyqty joıý, aýyz sý máselesin sheshý, qurylǵylary tozǵan MAEK-ti jańǵyrtý, «Kaspıı» sý tushytý zaýyty qýatyn arttyrý ju­mystary qarqyndy júrgizilip keledi. Kásipkerlik salasynda salynatyn ny­sandar, ashylatyn kásiporyndar bizge jumyssyzdyqty biraz eńserýge múm­kindik beretin bolady, – dedi ol oıyn túıindep.

UǴA akademıgi, alashtanýshy D.Qam­zabekuly Mańǵystaý telearnasyna tikeleı jelide «Qoǵam mádenıeti jáne aqparattyq qaýipsizdik» taqyrybynda suhbat quryp, kózi qaraqty kórermen tarapynan qoıylǵan túrli saýaldarǵa jaýap berdi. Sondaı-aq 9 myńnan astam stýdent bilim alyp júr­gen óńirdegi jetekshi oqý orny, aldyna zor meje qoıyp otyrǵan Sh.Esenov atyndaǵy Kaspıı memlekettik tehnologııalar ýnıversıtetinde keleli kezdesý ótti. Ýnıversıtet rektory, tehnıka ǵylymdarynyń kandıdaty, «Bolashaq» baǵdarlamasynyń túlegi Berik Ahmetov bilim ordasyndaǵy jańashyldyqty baıandap, Germanııa ýnıversıtetterimen birlesip júzege asyratyn jobalardy ta­nystyrdy. Ýnıversıtet basshysy eli­mizdegi bilim berýdiń sapasyn arttyrý, sondaı-aq Mańǵystaý óńirindegi ju­myssyzdyqty azaıtýǵa atsa­lysý maq­sa­tyndaǵy jobalardy júzege asy­rýǵa ki­ris­kendikteri týraly ga­zette bir­neshe ma­qala jarııalap, oqyr­manǵa tanys­tyrǵandaryn jetkizdi. Ýnıversıtet rektory gazet basshysyn qabyldap, elimizdiń qoǵamdyq-saıası ómirinde ózindik oryny bar basylymdar jumysyna sáttilik tilep, múmkindikke qaraı qoldaý kórsetetindigin aıtty.

Oqý ornynyń kıno zalynda qonaqtar men oqytýshylar, stýdentter telejýrnalıst D.Turlybek túsirgen «Jalaý Myń­baıuly» derekti fılmin tamashalap, Mańǵystaý oblystyq máslıhaty men Sh. Esenov atyndaǵy Kaspıı tehnolo­gııalar jáne ınjınırıng ýnıversıteti uıymdastyrǵan «Ult baspasózi jáne eldik murat» atty birlesken is-sharaǵa qatysty. Alda kele jatqan Respýblıka kúni aıasynda zııaly qaýym ókilderimen, jastarmen pikir almasyp, suhbattasý maqsatyndaǵy basqosýda sýdentter aǵa býyn ókilderine túrli suraqtar qoıyp, jaýaptaryn tyńdady.

Baspasóz – halyq saýattylyǵynyń kepili, ol tasqa hattalyp jazylǵan el tarıhy. Jalp etip sónýi men janý-janbaýy eshkimge málim emes elektron­dy tásildiń senimsizdiginen basylym ǵana qut­qarady. Sondyqtan halyqqa jeli­lerden góri basylymdarǵa jazylyp, oqý, jazý saýattylyǵyn shyńdap otyrý mańyzdy. Al júz jyldan astam tarıhy bar, ultymyzdyń marǵasqa azamattary qyzmet etken, ult birligin, memleket tutas­tyǵyn tý etken «Egemen Qazaqstan» gazetine jazylý – azamattardyń memleketke, qazaq qoǵamyna jáne ana tilimizge jasaǵan qoldaýy sanalady.

Mańǵystaý oblysy