Sýretterde: 1. Akademık-depýtat Salyq Zımanov «Qazaq Keńestik Sosıalıstik Respýblıkasy memlekettik egemendigi týraly» deklarasııasyn tanystyryp turǵan sát. 2. Deklarasııa jarııalanǵan «Sosıalıstik Qazaqstan» gazetiniń sarǵaıǵan paraǵy.
Qazaq KSR Joǵarǵy keńesiniń ekinshi sessııasy 15 qazanda jumysyn bastady. Onda tóraǵa Erik Asanbaev deklarasııanyń negizgi jobasy týraly baıandama jasap, qujat 17 qazan kúni «Sosıalıstik Qazaqstan» jáne «Kazahstanskaıa pravda» gazetterinde jarııalandy.
Deklarasııa jobasy 15-16 qazan kúni talqylaýǵa túsip, oǵan 40-tan astam depýtat qatysady. 16 qazanda 25 adamnan turatyn komıssııa qurylyp, tóraǵalyǵyna akademık, depýtat Salyq Zımanov saılandy. Orynbasarlyqqa Joǵarǵy keńes tóraǵasynyń orynbasary Z.Fedotova men Ekonomıkalyq reforma, bıýdjet jáne qarjy komıteti tóraǵasynyń orynbasary M.Ospanov usynyldy. Komıssııa quramyna akademıkter J.Ábdildın, M.Qozybaev, S.Sartaev, jazýshy Á.Kekilbaev, armııa generaly S.Nurmaǵambetov, UQK generaly, Shyǵys shekara okrýginiń qolbasshysy E.Neverovskıı, taǵy basqa depýtattardan turatyn 25 adam kirdi.
25 qazan, 1990 jyl. «Qazaq keńestik Sosıalıstik Respýblıkasy memlekettik egemendigi týraly» deklarasııasy on ekinshi shaqyrylǵan Qazaq KSR Joǵarǵy keńesiniń ekinshi sessııasy erteńgilik otyrysynyń kún tártibine shyǵaryldy.
