Atap aıtqanda, erkin kúresten eńbek sińirgen sport sheberi, Prezıdent janyndaǵy Ulttyq quryltaı múshesi Islam Baıramýkovke III dárejeli «Barys» ordeni tapsyryldy.
Sondaı-aq Ulttyq quryltaı músheleri – medısına ǵylymdarynyń doktory, «Respýblıkalyq medısına palatasy» QB basqarmasynyń tóraǵasy Maqsut Quljanov, tehnıka ǵylymdarynyń doktory, professor, Ulttyq ǵylym akademııasynyń akademıgi Qylyshbaı Bısenov, jazýshy, Qazaqstan Jazýshylar odaǵynyń múshesi Sáýle Dosjanova, Qazaqstannyń Azamattyq alıansynyń prezıdenti Baný Nurǵazıeva «Parasat» ordenimen marapattaldy.
Sonymen qatar Respýblıkalyq advokattar alqasynyń tóraǵasy Aıdyn Bıkebaev pen Qazaqstan Múgedekter konfederasııasynyń tóraǵasy Janat Omarbekova, IýNESKO jáne ISESKO isteri jónindegi Ulttyq komıssııanyń Bas hatshysy Álııa Baısabaeva, Dúnıejúzilik mura jónindegi ulttyq komıtettiń múshesi Elına Malseva, Materıaldyq emes mádenı mura jónindegi ulttyq komıtet tóraǵasynyń orynbasary Rýstam Muzafarov, IýNESKO-nyń Qazaqstandaǵy «Adam jáne Bıosfera» baǵdarlamasy ulttyq komıtetiniń tóraǵasy Roman Iаshenko, arhıtektor-restavrator, «RUTRUM» JShS-nyń aǵa ǵylymı qyzmetkeri Lıýdmıla Dýbrovskaıa «Qurmet» ordeniniń ıegerleri atandy.
«Eren eńbegi úshin» medali, Prezıdent janyndaǵy Jastar saıasaty jónindegi keńes músheleri, Májilis depýtaty Dınara Naýmova jáne «Ekonomıkalyq zertteýler ınstıtýty» AQ basqarmasynyń tóraǵasy Ádil Qusmanovqa berildi.
Erlan Qarın marapat ıeleriniń eseli eńbegi memleket pen qoǵam tarapynan joǵary baǵalanyp jatqanyn atap ótip, marapat ıelerin elimizdiń ulttyq merekesi – Respýblıka kúnimen quttyqtady.
