Belgili mýzykant áriptesi týraly jurtshylyqtyń synymen kelispeıtinin aıtqan. Imanbektiń sózinshe, barlyq estrada ártisteri óz tyńdarmandarynyń kóńilinen shyǵý úshin ǵana eńbek etedi.
«Sondyqtan kópshilikten ótinerim, oǵan qatysty teris pikir jazýdyń qajeti joq... Kerisinshe, ol úshin qýanaıyq, qoldaıyq, óıtkeni biz shyǵarmashyl adamdarmyz. elimizdiń mádenıetin kóterý - bizdiń mindetimiz!», dep jazdy mýzykant Instagram áleýmettik jelisindegi paraqshasynda.
Esterińizge sala keteıik, 26 qazan kúni Álı Oqapovtyń «Qurmet» ordenimen marapattalǵany belgili boldy. Alaıda jeli qoldanýshylary onyń bul jetistigin synǵa aldy. Kópshilik Oqapovtyń mundaı qurmetti ordenge laıyq eńbegi joq ekenin aıtty.
Osydan keıin Álı Oqapov alǵan marapattarynyń barlyǵynan bas tartýǵa nıetti ekenin bildirdi.
