Atalǵan kórme Explore Jana Qazaqstan komandasynyń National Geographic Qazaqstan redaksııasymen birlesip, bıyl mamyr men qyrkúıek aılary aralyǵynda uıymdastyrǵan 5 ekspedısııasynyń nátıjesinde ázirlengen. Ekspedısııaǵa Xiaomi qoldaý kórsetken.
Ekspedısııanyń maqsaty − Qazaqstannyń týrıstik óńirleriniń áleýetin eń úzdik otandyq fotograftar men saıahatshy blogerlerdiń fotoapparattary men vıdeokameralarynyń obektıvi arqyly pash etip, ishki týrızmdi damytýǵa qosymsha serpin berý. Osy oraıda, komanda músheleri elimizdiń Túrkistan, Almaty, sondaı-aq shyǵys pen batys óńirlerinde bolyp, baıtaq Otanymyzdyń aıshyǵy alýan tumsa tabıǵatymen tanysty.
National Geographic Qazaqstan redaksııasy atalǵan saparlar barysynda túsirilgen 3500-den astam fotosýret arasynan Xiaomi 13 serııasy telefonymen aıshyqtalǵan eń úzdik 25 sýretti iriktep alyp, kórmede usynyp otyr.
Ulanǵaıyr dalamyzdyń tamasha tabıǵatynyń ǵajaıyptary kórsetiletin kórme 18 qarashaǵa deıin jalǵasady.
