Rybakına ekinshi aınalymda grekııalyq Marııa Sakkarıdi 6:0, 6:7 (4), 7:6 esebimen utty. Osy jeńisiniń arqasynda Lena toptan shyǵý múmkindigin saqtap qaldy.
Ekinshi aınalymnyń taǵy bir kezdesýinde Djessıka Pegýla álemniń birinshi raketkasy Arına Sabalenkany 6:4 6:3 esebimen utyp, týrnırdiń jartylaı fınalyna merziminen buryn shyqty.
Elena Rybakına men Arına Sabalenko sońǵy týrda Bacalar tobyndaǵy ekinshi joldamany sarapqa salady. Bul match 3 qarashaǵa qaraǵan túni ótedi.
Al Aleksandr Býblık Parıjdegi Masterstiń úshinshi kezeńine shyqty. Qazaqstan tennısshisi eki taıbreıkte Chılı ókili Nıkolas Garrıdi 7:6 (3), 7:6 (3) esebimen jeńdi. Shırek fınalǵa shyǵý úshin Býblık reseılik Danııl Medvedev pen bolgarlyq Grıgor Dımıtrov arasyndaǵy kezdesýdiń jeńimpazymen oınaıdy.
