«Qorqyttyń» qýanyshy

Atalǵan festıval TÚRKSOI men barsha túrki elderi arasyndaǵy ynty­­maqtastyqty odan ári ny­ǵaıtý, zamanaýı teatr óne­ri­niń ozyq úlgilerin kórsetý, halyqaralyq baılanys­tar­dy damytýǵa qoldaý kór­setý, jańa sahnalyq stıl­derdiń tanymal bolýyna jaǵ­daı jasaý maqsatynda uıym­dastyrylǵan. Mádenı doda aıasynda TÚRKSOI-ǵa múshe 6 eldiń teatr ujymdary kórermenge óz týyndylaryn usyndy. Atap aıtsaq, Samar­qand mýzykalyq-dra­­ma teatry (О́zbekstan), Qasy­ma­ly Jan­tóshev atyndaǵy ­Ys­tyq­kól mýzykalyq-drama teatry (Qyrǵyzstan), Túrkis­tan mý­zykalyq-drama teatry (Qazaqstan), Ystan­bul mem­le­kettik teatry (Túr­kııa), Maqtymquly atyndaǵy ­mý­­zy­kalyq-drama teatry ­(Túr­ik­­menstan) jáne Ázer­baıjan mem­lekettik akade­­mııa­lyq ult­tyq drama teatry tórt kún boıy sahnada baq synasty.

О́ner jarysynyń alǵash­qy kúni Ázerbaıjan memleket­tik akademııalyq ulttyq drama teatry Halyq jazýshysy Ilııas Efendıevtiń «Ámirshi men qyzy» pesasy boıyn­sha sah­nalanǵan «Qarabah­nama» spek­taklin usyndy. Qazaqstan aty­nan Túrkistan oblysynyń Má­denıet jáne týrızm bas­qar­masynyń Túr­kistan mýzy­ka­lyq-drama teatry Baký halyq teatrynyń sahnasynda «Qorqyt týraly ańyz» plas­tıkalyq spektak­lin qoı­­dy. Lıbretto avtory – ja­zý­shy, dramatýrg Ermek Amanshaev. Qo­ıylymnyń qoıý­shy rejısseri jáne horeografy – Konstantın Semenov. Kórkemdik jetekshisi – Aınur Kópbasarova.

 «Bizdiń qoıylym adamdy kóp nárseni oılaýǵa máj­búrleıtin fılosofııa­lyq ba­ǵytty ustanady. Máse­len, ata-babalarymyzdyń rýhanı tamyrynyń negizi ne, syry nede? Kórermen zaldan oılanyp shyǵyp, osy jáne osyǵan uqsas suraqtarǵa jaýap izdeı bastasa, bul bizdiń qoǵamdy oıatý mıssııasynyń oryndalǵanyn bildiredi», deıdi teatrdyń kórkemdik jetekshisi.

Teatr trýppasy kelesi jyl­dyń naýryz aıynda «Qor­qyt týraly ańyz» plas­tı­ka­lyq qoıylymymen Fran­sııa­nyń Lıon qalasyna attanady. Al sáýir aıynda Dıana Vıshneva zamanaýı horeografııa festıvaline qatysady.