Osyǵan baılanysty uıymdastyrylǵan saltanatty rásimde aýdan ákimi Nurjan Iztileýov jaǵymdy jańalyqtardyń jarshysy bolyp júrgen basylym ujymyn quttyqtady. «Bul tek gazet ujymynyń ǵana emes, kúlli oqyrman qýanyshy dep bilemin. Sizder qandaı maqtaý, marapatqa bolsyn laıyqtysyzdar. О́ıtkeni qalamnyń kúshimen, tildiń ótkirligimen talaı istiń bitýine, biraz máseleniń sheshilýine tikeleı sebepker boldyńyzdar», dedi ol. Jıyn barysynda el aǵalary «Shamshyraq» kóshesiniń boıyna aǵash egip, abattandyrylýyna óz úlesterin qosty.
Iá, el joǵary baǵalap otyrǵan búgingi jetistiktiń bastaýy osy basylymda eńbek etken aǵa býynnan bastalady. Abaıtanýshy, ǵalym Mekemtas Myrzahmetuly, jazýshy Marhabat Baıǵut satırık aqyn Alpysbaı Boranbaıuly, aqyn Ábdibek Aralbaıulynyń tyrnaqaldy týyndylary osy gazette jaryqqa shyǵyp, oqyrmandarǵa usynylǵan bolatyn. Tarıhy tereń, alǵash «Sosıalıstik eginshi» ataýymen jaryqqa shyqqan únjarııada tilshi bolyp Qýantaı Arshabaev, Amangeldi Iztileýov, Qazbek Keıkıev, Saıdýlla Sattarhanov, Bilál Qulbek, Murat Pirálıev, Ábdisattar Álibaev, Kendebaı Aıtqulov, Arysbaı Aıtamanov, Oryntaı Kómekov syndy búginde esimi elge málim azamattar jumys istedi. Búginde shyǵarmashylyq uıym ulttyq jáne halyqaralyq dárejedegi oqý oryndarynyń túlekterimen, ıaǵnı izdenimpaz jastarmen tolyqqan. Aǵa býyndy alystatpaı, jastarǵa múmkindik berip, zaman talabyna saı oqyrmandaryna qyzmet kórsetip kele jatqan redaksııanyń bedeline basylym basshysy Marat Qaltaevtyń sińirgen eńbegi kóp ekenin de aıta ketelik. Saltanatty rásimge qatysýshylar aldaǵy ýaqytta redaksııa ujymy tyń bastamalarymen, jańashyldyǵymen oqyrmandar qataryn arttyra túsetinine senim bildirip, Shamshyraq kóshesi ataýyna saı úlgili de baǵyt-baǵdar bolatyn dańǵylǵa aınala bersin degen tilekterin jetkizdi.
Túrkistan oblysy
