Foto: Ashyq derekkóz
«Mektebimizdiń tazalyǵyna jaýap beretin apaıdy qýantýdy ózim kópten beri oılap júrgen edim. О́ıtkeni meniń synybymdaǵy oqýshylar mektep tabaldyryǵyn jańa attaǵan jetkinshekter bolǵandyqtan sý tógiledi, qolyndaǵy zatyn shashyp alady degendeı. Sonda osy Kenje apaıymyzdy shaqyrsaq, esh qabaq shytqan emes. Basqa da tazalyqqa jaýapty kisiler bar, ásirese ózimizdiń zamandastarymyz, bir-eki ret shaqyrtýdan keıin qabaǵy qatýlanyp, oqýshylarǵa ursýǵa daıyn turady. Bul apaıdyń ondaı minezin kórgen emespiz. Sondyqtan da jaqsy adamdy qýantsaq dep oıladym. Bir kúni áńgime arasynda ózi bıyl qazan aıynda 60 jasqa tolatynyn aıtyp qaldy. Kenje apaıymyz mereıli 60 jasqa tolǵan kúni ata-analarmen aqyldasyp syılyǵymyzdy, gúlimizdi alyp synybymyzda kúttik. Onda da «apaı, synypta bir oqýshy sý tógip aldy, súrtip alasyz ba» degen «jalǵan shaqyrtýymyzǵa» kelgende bárimiz qurmettep qarsy aldyq. О́zi de abdyrap qaldy. Keıin ózi synybymyzǵa qaıta kelip mundaıdy kútpegenin, oqýshylardyń shynaıy yqylasyna erekshe razy bolǵanyn aıtty. Biz de osy kishkentaı ǵana jaqsylyǵymyz elge keń taralyp, qyzý qoldaý tabady dep oılamadyq ta. Áleýmettik jelide az ýaqyttyń ishinde 1 mıllıonnan asa qaralym jınady. Jazylǵan barlyq pikirdi oqyp shyqtym, razy bolyp jatyr bári. Adamǵa kerek jylýlyq, syı-qurmet degen osy shyǵar. Meniń paıymdaýymsha, kez-kelgen adamǵa syılyq jasap qýantý – izgi amaldyń biri, dinde de adamdardyń bir-birin qýantýy súnnet ekeni aıtylady. Apaıymyzdy qýantqanymyz úshin ózimiz de alǵysqa keneldik», deıdi A. Jekeıbaıqyzy.
