Cherepovestiń «Severstalin» qabyldaǵan elordalyq klýb birinshi kezeńde tizgindi qonaqtaǵa berip qoıdy. Olar óz múmkindigin utymdy paıdalandy. 17-mınýtta Nıkıta Korostelıov esep ashty. Esesine úzilisten keıin qarqynyn kúrt kúsheıtken «Barystyń» hokkeıshileri qatarynan úsh márte nysanany dál kózdedi. Bul goldardyń avtorlary – Ádil Beketaev (28-mınýt), Kırıll Savıskıı (30-mınýt) jáne Batyrlan Muratov (33-mınýt). Úshinshi kezeńde oıyn saıabyrsydy. Qos taraptan da ekpindi shabýyl men qarqyndy áreketterdi baıqamadyq. Desek te básekeniń 51-mınýtynda Muratov taǵy da mergendik tanytty. Esep – 4:1.
31 kezdesýden keıin 25 upaı jıǵan «Barys» qazirgi kezde turaqty birinshiliktiń jarys kestesinde 20-oryndy qanaǵat tutýda. О́ziniń kelesi oıynyn astanalyqtar 16 qarashada Chelıabide jergilikti «Traktorǵa» qarsy ótkizedi.
