Foto: Túrkistan oblysy ákiminiń baspasóz qyzmeti
«Qazaqtyń 21 hany, sultandary men batyrlary jerlengen Qoja Ahmet Iаsaýı kesenesine osyndaı sırek jádigerdi ákelý – biz úshin úlken mártebe, maqtanysh. Bul – elimizdiń rýhyn kóteretin oqıǵa ekendigi anyq. Qalamyzǵa kelýshi týrıster úshin Taıqazanmen qatar taǵy bir sırek jádigerdiń bolýy óte qýanyshty jaǵdaı. Kitapty elimizge qaıtarý úshin úlesterin qosqan ulttyń janashyr azamattaryna alǵysymdy aıtamyn», dedi oblys ákimi.
Naýryzbaı qajy Taǵanuly babamyzdan jetken qundy jádigerdi QMDB osy jyldyń maýsym aıynda qabyldap alǵanyn tilge tıek etti.
«Maral ıshannyń dindar ǵana emes, qoǵam qaıratkeri hám aǵartýshy. Babamyz eldi jumyldyryp, ultty saqtaýda umytylmas ulaǵatty ister atqardy», dedi Bas múftı.
Sonymen birge Mádenıet jáne aqparat mınıstrligi Din isteri komıtetiniń tóraǵasy Erjan Núkejanov ta atalǵan jádigerdiń mańyzyna toqtaldy.
Rýhanı sharada ǵulama-qarılar Quran-hatym túsirdi.
Bas múftı Quran kitapty «Áziret Sultan» memlekettik tarıhı-mádenı mýzeı-qoryǵynyń dırektory Máýlen Sadyqbekovke tapsyryp, ol Úlken Aqsaraı bólmesindegi arnaıy jasalǵan sórege ornatyldy.
Eki ǵasyr ýaqyttan beri qoldan qolǵa ótip, tarıhı otanyna jetken kıeli kitapta Kenesary hannyń móri bar.
