Memlekettik keńesshiniń habarlaýynsha, elimiz Dúnıejúzilik muralar komıtetiniń múshesi bolyp IýNESKO Bas konferensııasy jumysynyń sońǵy kúni saılanǵan. Quramyna 21 memleket kiretin Dúnıejúzilik muralar komıteti – IýNESKO-nyń asa mańyzdy ári bedeldi basqarýshy organy.
«Komıtettiń nysandardy dúnıejúzilik muralar tizimine engizýge jáne alyp tastaýǵa aıryqsha quqyǵy bar. Qazaqstannyń kandıdatýrasyn 118 memleket qoldady. Elimizdiń Dúnıejúzilik muralar komıtetine múshe bolyp saılanýy biregeı mádenı jáne tabıǵı muralarymyzdy saqtaýǵa qatysty belsendi jumysymyzdy halyqaralyq qaýymdastyqtyń moıyndaıtynyn kórsetedi. Sondaı-aq buǵan deıin IýNESKO-nyń Almatydaǵy keńsesine Ortalyq Azııa memleketterinen bólek Aýǵanstan, Pákistan, Iran memleketterin qamtıtyn Kópsektorly aımaqtyq keńse (Bıýro) mártebesin berý týraly sheshim qabyldanǵan bolatyn», dep jazdy Erlan Qarın.
