Úsh kúndik «Hi-Tech» is-sharasyn ótkizý kezinde respýblıka aýmaǵynda 125-ten asa kıberqylmys tirkeldi. Sonymen qatar buryn jasalǵan 300-ge jýyq qylmys anyqtaldy. Onyń ishinde 270-ten astamy ınternettegi alaıaqtyq. Alaıaqtar azamattardy aldaý úshin ártúrli syltaýlardy qoldanady.

«Mysaly, Astana turǵyny messendjer arqyly memleketten páter alý úshin kezekti jyljytý syltaýymen qyzmet usynǵan. Qazirgi ýaqytta onyń 25 osyǵan uqsas faktige qatysy bar ekendigi dáleldendi, sonyń saldarynan azamattar 12 mln teńgeden astam somaǵa aldanǵan. Kúdiktiden eshqaıda ketpeý týraly jazylym alynyp, is boıynsha tergeý júrgizilip jatyr. Alaıaqtyq jasaýdyń taǵy bir keń taralǵan tásili – júk tasymaldaý qyzmetterin usynýǵa arnalǵan ınternet saıttaryn paıdalaný. Osyndaı alaıaqtardyń birin Aqmola oblysynyń qyzmetkerleri Qostanaı qalasynda ustady. Onyń taǵy osyndaı 15 qylmysqa qatysy bar ekeni dáleldendi. Zalal somasy jáne basqa jábirlenýshiler anyqtalyp jatyr. Qazirgi tańda kúdikti osy aıyppen ýaqytsha ustaý ızolıatoryna qamaldy», delingen IIIM habarlamasynda.

Mınıstrlik mundaı alaıaqtyq shemalarynyń áli de qaýipti ekenin eskertip, onlaın-saýda barysynda turǵyndardy saq oılaýǵa shaqyrady. 

IIM Sıfrlyq damý, ınnovasııalar jáne aeroǵarysh ónerkásibi mınıstrligi jyldyń qarasha aınynan, búginge deıin 43 mıllıonnan astam «sheteldik alaıaqtardyń» áreketine tosqaýyl bolǵan.

«Sonymen qatar jyl basynan beri qarjy pıramıdalary men basqa da alaıaqtyq uıymdardyń zańsyz áreketterin jarnamalaıtyn 682 kúdikti saıt anyqtaldy, olardyń 113-i buǵattaldy», delingen IIIM habarlamasynda.