Áıelderdiń baıandy bastamasy

Oblystyń shaǵyn jáne orta kásip­ker­lik sýbektileriniń 32 paıyzyn­da áıelder jetekshilik etedi. Iаǵnı áıelderdiń iskerlik bastamalaryna qoldaý kórsetý, quqyqtary men múm­kin­dikterin keńeıtý, olarǵa qatys­ty jasalatyn zorlyq-zomby­lyq­tyń aldyn alý jergilikti bıliktiń basty nazarynda bolýy zańdylyq.

Túrkistanda ótken oblystyń bar­lyq aýdan, qalasynan qoǵam bel­sendileri sanatyndaǵy názik jandar qatysyp, elimizdiń jańa saıası má­denıeti sheńberinde áıelderdiń qoǵam­daǵy rólin ilgeriletý másele­leri qarastyrylǵan jıynda demo­gra­fııalyq ósimi joǵary óńirde ana men bala quqyǵyn qorǵaý basty mindet ekeni de aıtyldy. Jıynda oblysqa jumys saparymen kelgen «Amanat» par­tııasynyń hatshysy Sholpan Karınova partııa áıelderdiń mem­le­kettik basqarýǵa jáne ınklıý­zııa­lyq qoǵam men genderlik parıtetti qa­lyptastyrýǵa belsendi qatysýyn ke­ńeıtýde Áıelder qanatyn qu­rý jóninde bastama kótergenin málimdedi. Áıelder qanatyn qurý jáne onyń qyzmeti áıelderdiń kún tártibin ilgeriletý máselesinde par­tııa­nyń áleýetin nyǵaıtýǵa serpin beretinin atap ótti. «Áıelder qana­ty­nyń jumysy áıelderdiń áleý­mettik, quqyqtyq jáne basqa da ózekti máselelerin sheshýde úlken tá­jirı­besi bar, partııa músheleri bolyp tabylatyn tanymal, bedeldi áıel­der­diń qatysýymen on basym ba­ǵyty boıynsha júrgiziledi. Onyń ishinde turmystyq zorlyq-zombylyq qurbany bolǵan áıelderdi qoldaý, aýyldaǵy áıelderdiń arasynda ká­sip­kerliktiń damýyna járdemdesý, ǵylymdaǵy názik jandardy qoldaý, jańadan qabyldanatyn zań jobalaryna genderlik saraptama júrgizý jáne qoǵamda áıelderdiń quqyqtary men múmkindikterin keńeıtý boıynsha basqa da ózekti máseleler», dedi Sholpan Tańatqyzy.

Al «Amanat» partııasy Túrkistan oblystyq fılıalynyń tóraǵasy, ob­lystyq máslıhattaǵy fraksııa je­tekshisi Altynsary Úmbetálıev óńir­de áıel-analardyń saıası belsen­di­ligi artyp kele jatqanyn jetkizdi. Oblystaǵy 82 myńnan astam partııa múshesiniń 66,6 paıyzy, oblystyq máslıhat quramynyń 13 paıyzy áıelderden turatynyn aıtty. Son­daı-aq jıyn barysynda Sholpan Karınova partııanyń oblystyq fı­lıa­ly janyndaǵy áıelderdiń qu­qyq­tary men múmkindikterin ke­ńeıtý máseleleri jónindegi keńes­shisi bolyp oblystyq partııa fılıaly atqarýshy hatshysynyń orynbasary, oblystyq máslıhat depýtaty Qalyıma Jan­tóreeva taǵaıyndalǵanyn habarlady.

Jıynda ǵylymdaǵy áıelderdi qoldaý sharalary jóninde Q.A.Iаsaýı atyn­daǵy HQTÝ rektory Janar Temir­bekova, áıelderdi memlekettik qol­daý jáne jumyspen qamtý týraly oblystyq jumyspen qamtýdy úılestirý jáne áleýmettik baǵdar­la­malar basqarmasynyń basshysy Ásııa Temirbaeva, áıelderdiń ká­sipkerlik bastamalaryn qoldaý bo­ıyn­sha «Atameken» UKP óńirlik ká­sip­kerler palatasy dırektorynyń orynbasary Nurbol Rysbekov baıandama jasady. Sondaı-aq qatysýshylar áıelderdiń saıası kóshbasshylyǵyn damytý men ilgeriletýge baǵyttalǵan usynystaryn bildirip, ózara pikir almasty.

Túrkistan oblysy