- Tańerteń uıqydan ýaqtyly oıaný kúnińizdi ónimdi etedi ári oıanýdy keıinge ysyra bermeý kóńil-kúıińizdiń jaqsarýyna da áser etedi. Sondyqtan oıatqyshqa birneshe ýaqytty belgilemeı, bir ǵana mezgildi saqtap, sol ýaqytta oıanyńyz. Ýaqtyly, lezde turý - kúnniń birinshi jeńisi. Mı kishkentaı jetistikke qýanyp, ári qaraıǵy isterińizdi shabytpen oryndaýǵa septesedi.
- Turǵan boıda telefondy qolǵa alýǵa asyqpańyz. Telefondy shekten tys qoldaný densaýlyqqa zııan ekeni málim. Al, tańerteń telefondaǵy oqyǵan jaǵymsyz aqparattaryńyz kúni boıy oılandyryp, basqa iske qolyńyz barmaı qalýy bek múmkin.
- Kózińizdi asha sala tósekten turýǵa asyqpańyz. Kóz oıanǵanmen basqa aǵzalar oıanyp úlgermeıdi. Aǵzaǵa durys tonýs berý úshin jáne ashýlanshaqtyqtyń aldyn alý úshin tósekte sál jatyp, sozylyp, tynys alý gımnastıkasyn nemese jeńil jattyǵý jasaý kerek.
- Tańerteń kofe iship ne maıly taǵam jeýge qumartpańyz. Oıanyp úlgermegen aǵza mundaı kúshti qabyldaýǵa daıyn bolmaıdy. Sondyqtan asqorytý aǵzalaryna zaqym kelýi ǵajap emes. Kofeniń ornyna bal qosylǵan jyly sýdy tańdańyz. Paıdaly, jeńil tańǵy as uzaqqa deıin toq júrýdiń ǵana emes, sergek, saý bolyp júrýińizdiń kepili.
