Atap aıtqanda, memlekettik kórsetiletin qyzmetter tizilimi arnaýly kásibı memlekettik járdemaqylar taǵaıyndaý tarmaǵymen tolyqtyryldy.
Túsindirilgendeı, 2024 jylǵy 1 qańtardan bastap zııandy eńbek jaǵdaılarynda jumys isteıtin qyzmetkerlerge ónerkásip pen salalardy damytýǵa qosqan qomaqty úlesin eskere otyryp, zeınetkerlik jasqa jetkenge deıin 55 jastan bastap arnaıy áleýmettik tólemderdi engizý josparlanyp jatyr. Qyzmetkerdiń densaýlyǵyna keltirilgen zııannyń dárejesi eskeriledi.
Osyǵan baılanysty «Qazaqstan Respýblıkasynyń keıbir zańnamalyq aktilerine qoǵamdyq birlestikter máseleleri boıynsha ózgerister men tolyqtyrýlar engizý týraly» zań jobasy aıasynda tásilder ázirlendi.
Zań jobasynda tórt tólem kózinen turatyn MKQK qarastyrylǵan, onyń biri - respýblıkalyq bıýdjetten tólenetin arnaıy kásibı memlekettik járdemaqy.
Qazirgi ýaqytta zań jobasy Qazaqstan Respýblıkasy Parlamenti Senatynda qaralyp jatyr.
Qujat jobasy 20 jeltoqsanǵa deıin qoǵamdyq talqylaý úshin «Ashyq NQA» saıtynda ornalastyrylǵan.
Qazaqstandyq kenshiler jańa áleýmettik jeńildikterge ıe bolatyny buǵan deıin habarlanǵan bolatyn. Eńbek mınıstrligi zııandy eńbek jaǵdaılarynda jumys isteıtin qyzmetkerlerge arnaýly kásibı memlekettik járdemaqylardy taǵaıyndaý, júzege asyrý, toqtata turý, jańartý jáne tóleýdi toqtatý qaǵıdalarynyń jobasyn ázirledi.
2024-2026 jyldarǵa arnalǵan arnaýly kásibı memlekettik járdemaqylardy tóleýge arnalǵan respýblıkalyq bıýdjetten shyǵystar 84 754,8 mln teńgeni quraıdy.
