Maqsatymyz – qolaıly orta qalyptastyrý

Shymkentte bıylǵy 10 aıda tartylǵan ınvestısııa – 22, paıdalanýǵa berilgen turǵyn úı alańy – 15, bólshek saýda kólemi – 19, kólik qyzmeti – 21, ónerkásip óndirisiniń kóle­mi 1,7 paıyzǵa artqan. Jyl qorytyndysy boıynsha eko­no­mıkanyń ósý qarqynyn 4,2 paıyzǵa jetkizý josparlanyp otyr. «Shymkenttiń eń bas­ty baılyǵy – halqy, onyń qo­naq­jaı keń peıili men eńbek­qor­lyǵy. Sonyń arqasynda qala­myz órkendep, damyp otyr. Memleket basshysy Qasym-Jomart Kemeluly óńirdiń áleý­met­tik-ekonomıkalyq jaǵdaıyn jaqsartyp, qala turǵyndaryna qolaıly orta qalyptastyrýdy tapsyrdy. Endi tapsyrmanyń oryndalý barysy týraly baıandaıyn. Qalaǵa ınvestısııa tartyp, halyqty turaqty jumys oryndarymen qamtý – negizgi mindetterdiń biri. Qazirgi tańda shaharda 5 óndiristik aımaq bar. Onda jalpy somasy 216 mlrd teńgeni quraıtyn 273 ın­ves­tısııalyq joba iske asyrylyp, 8 myńnan asa jańa jumys oryndary ashylǵan. In­dýs­trııa­lyq aımaqtar óziniń eko­­no­mıkalyq tıimdiligin kór­se­tip otyr. Qazynaǵa túsken sa­lyq­tyq túsimder 59 mlrd teńgeni qurady. О́ńirge tartylǵan ınvestısııa bar­lyq salalarǵa oń áserin tıgizýde. Qazir ındýstrııalyq aımaqtardy tıimdi paıdalaný maqsatynda revızııa júrgizip jatyrmyz», dedi qala ákimi.

Onyń aıtýyna qaraǵanda, basty maqsat ındýstrııalyq aı­maq­tardy jandandyryp, ónim kólemin arttyrý. Qazirdiń ózinde ıgerilmeı jatqan 52 gektardy quraıtyn jer telimi anyq­ta­lypty. Bul jerlerge jańa ınvestorlar tartylatyn bolady. О́ndiris alańdaryn arttyrý maqsatynda jańadan kólemi 867 gektar quraıtyn 5 óndiris aımaǵyn qurý qolǵa alynady eken. «Aldaǵy ýaqytta 372 mlrd teńgeni quraıtyn 289 jobany iske asyryp, 12 myńǵa jýyq jumys ornyn ashýdy josparlap otyrmyz. «Juldyz», «Bozaryq» ındýstrııalyq aımaqtaryna ın­jenerlik júıeler tartylyp, keler jyly qoldanysqa beriletin bolady. Odan bólek, saýda-logıstıkalyq ortalyqty ke­ńeıtý arqyly «О́ńirlik hab» qurý jumystary bastaldy. Qazir jobalaý-smetalyq qujat­ta­ma­sy ázirlenip jatyr. Atalǵan ındýstrııalyq aımaqtardy iske qosý arqyly, salyqtyq túsim­der­di arttyrý kózdelgen. О́ńdeý ónerkásibinde de oń dınamıka bar. Bıyl 14 jobany iske asyrý josparlanǵan. Esepti kezeńde jalpy somasy 11 mlrd teńgeni quraıtyn 6 joba iske qosylyp, 373 jumys orny ashyldy. Shym­qala ekonomıkasynyń ósý draıveri ınvestısııalyq tar­tym­dylyǵy ekeni sózsiz. Sońǵy 4 jylda 1,5 trln teńge qara­jat tartylyp, kólemi 3 esege artty. Aldaǵy 5 jylda 6 trln teńge ınvestısııa tartýdy kózdep otyrmyz. Bul baǵytta naqty josparymyz bar», dedi Ǵ.Syzdyqbekov.

Qazirdiń ózinde jalpy somasy 1,7 trln teńgeni quraıtyn 229 ınvestısııalyq jobanyń pý­ly jasaqtalǵan. Basym ba­ǵyt­tary óńdeý ónerkásibi sala­synda – 405,8 mlrd teńge, turǵyn úıge – 594,4 mlrd teńge, densaýlyq saqtaýǵa – 128 mlrd teńge, aýyl sharýashylyǵyna 363,9 mlrd teńge josparlanypty. «Nátıjesinde, 34 myńnan asa jańa jumys orny ashylatyn bolady. Basty maqsat – ın­vestorlarǵa qolaıly jaǵ­daı jasap, ekonomıkany ártarap­tan­dyrý. Bul baǵytta ımport almastyrýshy jáne eksportqa baǵyttalǵan jobalardy júzege asyratyn ınvestorlarmen ty­ǵyz jumys júrip jatyr. Bular­men birge shaǵyn jáne orta bız­nestiń órkendeýine erekshe den qoıyp kelemiz. Qazir Shym­kent­te bıznestiń jalpy óńirlik ónimdegi úlesi 50 paıyzǵa jetti. Kásipkerlikti qoldaý sharalaryna suranys óte joǵary. Bıyl kásipkerlikti damytý jónindegi Ulttyq joba aıasynda 20 mlrd teńge bólinip, esepti kezeńde 16 mlrd teńgege 3 351 jobaǵa qol­daý kórsetildi. Sońǵy 5 jylda belsendi jumys isteıtin kásip­ker­ler 2 esege ósip, sany 131 myńnan asty. Bul azamattardyń iskerlik mádenıetin kóterýge yntalandyrsa, ekinshiden, qala turǵyndarynyń 30 paıyzdan astamyn jumyspen qamtyp otyr», dedi ol.

Jergilikti deńgeıde bıylǵy jyly eńbekaqysy tómen 16 myń­nan astam bıýdjettik qyz­met­shilerge ústemaqy qara­lyp, jalaqysy 100 myń teńgeden asypty. «О́ńirdegi ortasha jala­qy kólemi 17 paıyzǵa ósip, 270 355 teńgeni qurady. Bıyl ha­lyqty jumyspen qamtý sharalarymen 61 myńnan astam adam qamtyldy. 36 myńǵa jýyq azamat turaqty jumysqa ornalasty. Halyq tabysynyń artýy­na baılanysty, ótken jylmen salystyrǵanda áleýmettik kómek alýshylar sany 22,4 paıyzǵa azaıdy. Al bilim berý salasy – basym baǵyttarymyzdyń biri. Sońǵy 4 jylda 66 myń oryndyq 101 mektep paıdalanýǵa berildi. Onyń 80 paıyzy jeke ınvestorlar esebinen salynǵan. Nátı­je­sin­de 3 aýysymdy mektep­ter má­selesi tolyǵymen she­shildi.

Qaladaǵy 134 myńnan astam bastaýysh synyp oqýshysy tegin ystyq tamaqpen qamtamasyz etildi», dedi shahar basshysy.

Eńbek naryǵyna taldaý júrgizilip, qajetti maman da­ıyndaý úshin kolledjderge jańa 11 250 grant bólinipti. Bıyl 500 oryndyq Oqýshylar saraıy paıdalanýǵa berilgen. «Jaıly mektep» aıasynda 28 myń oqýshy­ǵa arnalǵan 18 mektep salý jos­par­lanǵan. Búgingi tańda 12 mek­teptiń qurylysy bastaldy. Qazir «Turan» shaǵyn aýdanynda da 500 oryndyq Oqýshylar saraıy salynyp jatyr. «Mádenıet salasynda halyqaralyq deńgeıde is-sharalar ótkizetin zamanaýı Kongress holldyń qurylysy aıaq­talýǵa taıaý. Keler jyly qaladan shalǵaı ornalasqan 4 eldi mekende jańa mádenıet úı­lerin salatyn bolamyz. Mem­leket basshysynyń tapsyrmasymen «Opera jáne balet» teatrynyń jańa ǵımaratyn salý qarastyrylýda. Atalǵan uıymǵa aty álemge áıgili opera ánshisi Maıra Muhamedqyzy basshylyq jasap otyr. Bul salanyń damýyna tyń serpin beredi degen oıdamyz. Qazir qaladaǵy buqaralyq sportpen shuǵyldanýshylar sany 42 paıyzǵa jetti. Sport ınfra­qurylymyn damytý maq­satynda «Ústel tennısi sport kesheni» jáne «Jańa ıppodrom» paıdalanýǵa berildi. «Me­tallýrg» stadıony qaıta qu­­rylyp, 1 sport mektebi iske qo­syl­dy. Bıyl qala sportshylary Qazaqstan, Azııa jáne Álem chempıonattaryna qatysyp, jalpy 728 altyn, 593 kúmis, 654 qola medal jeńip aldy. Sondaı-aq «Ordabasy» fýtbol klýby óz tarıhynda tuńǵysh ret Qazaqstan chempıony atandy. Endigi kezekte Eýropanyń chempıondar lıgasynda oıyn kórsetetin bolady», dedi Ǵ.Syzdyqbekov.

Ákimniń aıtýynsha, densaý­lyq saqtaý salasyndaǵy basty maqsat – turǵyndarǵa sapaly qyzmet kórsetý men qolje­tim­di­likti arttyrý. Saladaǵy jan basyna qarjylandyrý júıesi oń nátıje beripti. Sońǵy jyldary jekemenshik emhanalar ashylyp, memlekettik uıymdardyń júktemesi tómendegen. «Jeke ınvestor esebinen qaterli isik aýrýynyń bastapqy satysyn anyq­taıtyn, sáýleli terapııa ortalyǵy ashyldy. Bıyl orta­lyqta 553 adamǵa qyzmet kór­se­tildi. Nátıjesinde ólim-jitim azaıdy. Jyl sońyna deıin alǵash ret balalar kardıohırýrgııa bólimshesin ashýdy kózdep otyrmyz. Taǵy 6 jeke medısına ortalyǵyn, 200 oryndyq jańa zamanaýı perzenthana, 800 oryndyq ýnıversıtettik klınıka salý josparymyzda bar.

Halyq sanynyń qarqyndy ósýine baılanysty baspanaǵa degen qajettilik artýda. Qalada 51 myńnan astam halyq áleýmettik, 175 myńǵa jýyq azamat kredıttik turǵyn úı kezeginde tur. Osy máseleni sheshý úshin 4 myń pá­ter­li 100 áleýmettik turǵyn úıdiń qurylysy júrgizilip ja­tyr. Jumysshy jastarǵa jáne halyqtyń áleýmettik osal toptaryna 1 myńnan astam páter beremiz. 201 azamatqa qaıta­rym­syz negizde turǵyn úı ser­tı­fıkattary tabystaldy. Áleýmettik turǵyn úı alýshylar sanatyna enbeıtin azamattar da nazardan tys qalmaıdy. Jergilikti «Qamqor» turǵyn úı baǵ­darlamasy aıasynda 150 otba­syǵa jeńildetilgen nesıeler berildi. Bul baǵdarlama óz jalǵasyn tabatyn bolady. Jyl sońyna deıin 1 mln 75 myń sharshy metr turǵyn úı paıdalanýǵa beriledi», dedi qala ákimi.

Bıyl qalada birtalaı eldi mekenderde aýyz sý, elektr júıesi, tabıǵı gaz ben káriz júıeleriniń qu­rylysy aıaqtalypty. Nátıje­sin­de, turǵyndary 65% káriz júıesimen, 96% tabıǵı gazben, 99% aýyz sýmen, sondaı-aq 100% elektr júıesimen qamtylatyn bolady. «Bıyl 210 shaqyrym jol paıdalanýǵa berildi. Qazir Tashkent-Almaty-Túrkistan ba­­ǵyt­taryn qala ortalyǵymen baı­lanystyratyn Qonaev dań­ǵy­lynyń jalǵasy, A-2 avto­mo­bıl jolyn qaıta qurý, Ońtústik jáne Shyǵys aınalma joldarynyń qurylystary júrgizilip jatyr. Qoǵamdyq qa­ýipsizdikti qamtamasyz etý maq­­satynda kelesi jyly qo­sym­sha 3 000 beınebaqylaý kamerasy ornatylady. «Halyq qa­tysatyn bıýdjet» jobasy aıasynda bıyl 5,8 mlrd teńgege 194 joba júzege asyrylsa, keler jyly qarjylandyrý kólemi 10 mlrd teńgege jetkiziletin bolady», dedi Ǵ.Syzdyqbekov.