Depýtattardyń qyzmetin jandandyrý, halyqtyń partııaǵa degen senimin arttyrý, máslıhat depýtattary men memlekettik organdar arasyndaǵy ashyq ári tıimdi dıalog qurý, osy jáne taǵy basqa da máseleler Qonaev qalasynda ótken «Amanat» partııasynan saılanǵan barlyq deńgeıdegi máslıhat depýtattarynyń I oblystyq forýmynda aıtyldy. Jıynǵa oblys ákimi Marat Sultanǵazıev, sondaı-aq ardagerler men partııa belsendileri, oblystyq basqarma jáne departament basshylary da qatysty. Forýmnyń ashylýynda sóz alǵan Almaty oblysynyń ákimi partııanyń saılaýaldy baǵdarlamasy aıasynda óńirdiń áleýmettik ekonomıkalyq damýynyń 10 aıyna qorytyndy jasady.
Onyń aıtýynsha, bıyl barlyq salada ósim qamtamasyz etilip, jyl sońyna qaraı jalpy óńirlik ónim kólemin 4,7 paıyz ósimmen 4,6 trıllıon teńgege deıin jetkizý josparlandy. Bul rette partııanyń 2023-2027 jyldarǵa arnalǵan «Halyqpen birge!» saılaýaldy baǵdarlamasy sheshýshi ról atqarady.
«Bıylǵa josparlanǵan 88 is-sharanyń 42 paıyzy oryndaldy. Jalpy, jol kartasynda kózdelgen 106 is-shara kezeńimen júzege asyrylyp jatyr. Qarajat kólemi 2 trln 342,4 mlrd teńgeni quraıdy. Partııanyń saıası baǵytyn oryndaý maqsatynda óńirde áleýmettik-ekonomıkalyq damýdyń oń dınamıkasy saqtaldy. Atalǵan forým depýtattar men jergilikti atqarýshy organdar arasynda Almaty oblysynyń ekonomıkasyn damytý máselelerin talqylaý úshin ashyq dıalog alańyna aınalǵanyn qalaımyz», dedi oblys ákimi Marat Sultanǵazıev.
Sonymen qatar máslıhat depýtattarynyń róline toqtalǵan aımaq basshysy olardyń halyqtyń ózekti máselelerin sheshýdegi basym mindetterin atap ótip, óńirdegi oń ózgeristeriniń bastamashysy bolý mańyzdylyǵyn aıtty.
Al partııa fılıalynyń tóraǵasy Qýat Baıǵojaev bul forým amanattyq depýtattarǵa memlekettik organ basshylarymen tikeleı tildesýge múmkindik jasalǵan is-shara ekenin aıtty.
«Forýmdy ótkizýdegi negizgi maqsat – depýtattar men jergilikti atqarýshy organ arasyndaǵy yntymaqtastyqty nyǵaıtý. О́ıtkeni depýtattar tarapynan memlekettik organdarǵa kóptegen suraq týyndaıdy. Sol suraqtardy birlesip talqylap, birge sheshý joldaryn qarastyrdyq. Memlekettik organ basshylarymen tikeleı tildesýge múmkindik jasaldy. Mańyzdy máseleler talqylandy», deıdi Qýat Baıǵojaev.
Aıta ketsek, Almaty oblysynda barlyq deńgeıdegi 228 máslıhat depýtatynyń 190-y «Amanat» partııasynyń múshesi. Olar jyl basynan beri 517 qabyldaý júrgizip, 1 myńnan asa adamdy qabyldaǵan. Onyń 817-siniń ótinishi oń sheshimin tapty. Qalǵandaryna zań aıasynda túsinikteme berildi.
Almaty oblysy
